दोन दुचाकीची अमोरा-समोर धडक

• दोन दुचाकीची अमोरा-समोर धडक
• एक मृत, दोन गंभीर जखमी

धनराजसिंह शेखावत - आमचा विदर्भ प्रतिनिधी

कोरपना -

दुचाकीने दुचाकीला दिलेल्या धडकेत एक ठार तर दोघेजण गंभीर जखमी झाल्याची घटना मंगळवार दिनांक १० ला दुपारी चार वाजता च्या सुमारास कोरपना-गडचांदूर मार्गावरील माथा फाटा जवळ घडली.

वणी तालुक्यातील कळमना येथे राहणारे 34 वर्षीय पुरुषोत्तम घनश्याम मुसळे कोरपनाच्या दिशेने येत असताना गडचांदूर कडे जाणाऱ्या दुचाकीने त्यांच्या दुचाकीला धडक दिली. ही धडक इतकी जोरदार होती की पुरुषोत्तम मुसळे ह्यांचा जागीच मृत्यू झाला, तर दुसऱ्या दुचाकीवरील सोहेल शेख वय १८ व उमेश पेंदोर वय १८ रा. हातलोणी हे गंभीर जखमी झाले.

घटनेची माहिती मिळताच कोरपना पोलिसांनी धाव घेऊन पंचनामा केला व दोघांनाही कोरपना ग्रामीण रुग्णालयात दाखल केले. मात्र दोघांचीही प्रकृती गंभीर असल्याने पुढील उपचारासाठी त्यांना चंद्रपूर येथे रेफर करण्यात आले आहे. घटनेचा तपास कोरपना पोलीस करित आहे.