बल्लारपुरात बांबू डेपोला लागली भीषण आग

• बल्लारपुरात बांबू डेपोला लागली भीषण आग
• बघा व्हिडीओ 

एच.एन. (राजेश) अरोरा - आमचा विदर्भ प्रतिनिधी

बल्लारपूर -

जिल्ह्यात सतत आगीच्या घटनेत वाढ होत असतांना आज दुपारच्या सुमारास बल्लारपूर तालुक्यातील कोठारी मार्गावरील बल्लारपूर पेपर मिलचा बांबू डेपोला भीषण आग लागली. बांबू असल्यामुळे आगीने लवकरच रुद्र रूप धारण केले. तात्काळ अग्निशमन विभागाला माहिती देण्यात आली. बल्लापूर पेपर मिल प्रशासन, बल्लापूर नगर परिषद, राजुरा नगर परिषद येथील अग्निशमन वाहन पोहचले असून अग्निशमन दला द्वारे आगीवर नियंत्रण मिळविण्याचे प्रयत्न केले जात आहे. ज्या ठिकाणी आग लागली आहे त्या ठिकाणाहून पेट्रोल पंप जवळ असल्याने मोठा अपघात होण्याची शक्यता व्यक्त केली जात असली तरी तातडीने आगीवर नियंत्रण मिळविण्यासाठी सर्वतोपरी प्रयत्न केले जात आहे.