आगीत तीन घरे जळून भस्मसात

• आगीत तीन घरे जळून भस्मसात

आमचा विदर्भ - ब्युरो रिपोर्ट्स

चंद्रपूर -

गोंडपिपरी तालुक्यातील चेक लिखितवाडा येथे शॉर्ट शर्किटमुळे आग लागून तीन घरे पूर्णपणे जळून खाक झाल्याची घटना दुपारी २ वाजताच्या सुमारास घडली. या आगीत घरे भस्मसात झाल्याने ठाकूर कुटुंबियांवर मोठे संकट कोसळले आहे. चेक लिखितवाडा येथील बाबुराव ठाकूर, सुभाष बाबुराव ठाकूर, अमित बाबुराव ठाकूर या तीन कुटुंबियांचे घर आजूबाजूला आहे. आज दुपारी असून अचानक शॉर्ट सर्किटमुळे घराला आग लागल्याने घरे जळून भासमसात भस्मसात झाली. 

या कुटुंबियांचे या आगीत अंदाजे १० क्विंटल धान, जीवनावश्यक वस्तू सह ८० हजार रुपये रोख रक्कम व घरातील इतर साहित्य जळून खाक झाले. या आगीत लाखोंचे नुकसान झाले. दरम्यान गावातील नागरिकांनी एकत्र येत आग नियंत्रणात आणली आहे. घटनास्थळी अग्निशामक दलाचे वाहन देखील पोहचले. यावेळी तहसीलदार के.डी. मेश्राम, मंडळ अधिकारी प्रकाश सुर्वे, ठाणेदार जीवन राजगुरु कुटूबियांची घेवून सांत्वन केले. पुढील तपास ठाणेदार राजगुर करीत आहे.