सहकारी सोसायटी गोवरीत सेना-काँग्रेस युतीचे 13 पैकी 9 उमेदवार विजयी

• सहकारी सोसायटी गोवरीत सेना-काँग्रेस युतीचे 13 पैकी 9 उमेदवार  विजयी

विरेंद्र पुणेकर - आमचा विदर्भ प्रतिनिधी

राजुरा -

सहकारी सोसायटी गोवरी निवडणुकीत शिवसेना-काँग्रेस युतीचे 13 पैकी 9 उमेदवार बहुमताने विजय झाले. या निवडणुकीत भाजपच्या माजी जिल्हा परिषद सभापतीची प्रतिष्ठा पणाला लागली होती परंतु त्यांच्या सर्व उमेदवारांना अपयश आले. पुन्हा एकदा गोवरीच्या इतिहासाला साजेशी ही निवडणूक शिवसेना विधानसभा समन्वयक बबन उरकुडे विरुद्ध माजी सभापती सुनील उरकुडे अशी थेट रंगली परंतु ग्रामपंचायतीच्या विजयानंतर पुन्हा एकदा सोसायटीवर बबनउरकुडे यांनी गड राखला आणि बहुमत मिळविले.

या निवडणुकीत सेना काँग्रेसच्या सर्व पदाधिकाऱ्यांनी परिश्रम घेतले. काढलेल्या मिरवणुकीत शिवसेना तालुका प्रमुख वासुदेव चापले, काँग्रेस तालुका अध्यक्ष रंजन लांडे, शिवसेना उपतालुका प्रमुख रमेश झाडे, युवासेना तालुका प्रमुख बंटी मालेकर, तालुका समन्वयक प्रदीप येनूरकर, सास्ती गोवरी जिप गट प्रमुख संदिप वैरागडे, शिवराम लांडे, बबन लांडे, भाऊजी पिंपळकर, विलास इटकेलवार, सुधाकर पाचभाई, मधुकर कुचनकर, हनुमान मालेकर, गोविंदा पारखी, कवडू खीरटकर आणि इतर उमेदवार व पदाधिकारी उपस्थित होते.