दुचाकीची अमोरासमोर धडक एक ठार तर दोन जखमी

• दुचाकीची अमोरासमोर धडक
• एक ठार तर दोन जखमी

आमचा विदर्भ - ब्यूरी रिपोर्ट्स

चिमूर -

नेरी-खांबाडा मार्गावर दोन दुचाकीमध्ये अमोरासमोर झालेल्या धडकेत एक जण ठार तर दोन गंभीर जखमी झाले. हा अपघात सोमवार दिनांक 25 एप्रिलच्या सायंकाळी 7 वाजताच्या दरम्यान झाला.

ब्रम्हपुरी तालुक्यातील नांदगाव जानी येथील देवेंद्र जगदीश गुरु  वय 51 वर्षे हे लग्नकार्य आटोपून नेरी गावाकडे जाण्यासाठी दुचाकी क्र. एमएच-34 सीए-2987 ने येत होते तर विरुद्ध दिशेने नेरीवरून दुचाकी क्र. एमएच-34 एएल-4392 या दुचाकीने जात होते. खांबाडा गावाजवळच दोन्ही दुचाकीची अमोरासमोर धडक झाली यात यात देवेंद्र गुरु यांच्या डोक्याला जबर मार लागल्याने त्यांचा मृत्यू झाला तर दुसऱ्या दुचाकीवरील दोघेही गंभीर जखमी झाले. त्यांना उपजिल्हा रुग्णालय चिमूर येथे प्राथमिक उपचार करून चंद्रपूर येथे हलविण्यात आले. पुढील तपास चिमूर पोलीस करीत आहे.