- नोकारी येथे जागतिक महिला दिन साजरा
- सरपंच सौ. संगिता मडावी यांनी दिली सर्व महिलांना शुभेच्छा
धनराजसिंह शेखावत - आमचा विदर्भ प्रतिनिधी
गडचांदूर -
महिला आयुष्याच्या प्रत्येक टप्प्यावर आपली योग्य भूमिका बजावून यशस्वीपणे आपले कर्तृत्व जगाला दाखवून देणारी आई, बहिण,पत्नी, मुलगी आणि मैत्रिण अशा विविध रूपात पुरुषांच्या मागे खंबीरपणे उभी राहते. देशातील असंख्य महिलांनी आपल्या स्वकृत्वाने आपल्या बुद्धीच्या जोरावर अनेक क्षेत्रात उत्तुंग भरारी घेतली आहे. गावातील महिला सुद्धा आता स्वावलंबी होत आहे असे प्रतिपादन नोकारी पालगाव येथील महिला सरपंच सौ. संगिता मडावी यांनी जागतिक महिला दिनानिमित्त आयोजित कार्यक्रमात केले.
नोकारी येथे जागतिक महिला दिन साजरा करण्यात आला. सर्वप्रथम क्रांतिज्योती सावित्रीबाई फुले यांच्या प्रतिमेचे पूजन करून व पुष्पहार अर्पण करून आदरांजली वाहण्यात आली. यावेळी झालेल्या कार्यक्रमात नोकारी (पालगाव) येथील महिला सरपंच सौ. संगिता मडावी, सदस्य प्रीती चौधरी, सदस्य मनीषा कन्नूरवार, सदस्य सुरेखा बाई कुमरे, अविष्णाबाई पेंदोर, आशा वर्कर वंदनाताई आत्राम, अंगणवाडी मदतनीस चेतना करमनकर, अंगणवाडी सेविका येरोजवार सोबतच गावातील संपूर्ण महिला व विद्यार्थिनी उपस्थित होत्या.
टिप्पणी पोस्ट करा
Thanks for your response, We will reply you soon, You haven't followed Aamcha Vidarbha yet, you follow Aamcha Vidarbha now.