पुनर्वसित गाव जुनी बेरडी येथून बांधकामाचे लोखंडी अँगल गेले चोरीला

• पुनर्वसित गाव जुनी बेरडी येथून बांधकामाचे लोखंडी अँगल गेले चोरीला
• चार क्विंटल बत्तीस किलो चे अँगल केले चोरांनी लंपास

आमचा विदर्भ - ब्युरो रिपोर्ट्स

राजुरा -

भेंडाळा प्रकल्पामुळे बाधित होणाऱ्या मौजा बेरडी (जुनी) या गावाचे पुनर्वसन मौजा बामनवाडा येथे करण्यात येत असून सदर बांधकामाला  जिल्हाधिकारी चंद्रपूर यांचेकडून परवानगी मिळाली. त्यानुसार श्री ओमसाई वेंकटेश्वरा कन्स्ट्रक्शन या कंपनीद्वारे पुनर्वसन जुनी बेरडी यांचे बांधकाम सुरू आहे. शुक्रवार दिनांक 21 जानेवारी ला रात्री अज्ञात व्यक्तींनी 4 क्विंटल 32 किलो अँगल लोहा अंदाजे किंमत जवळपास 26 हजाराचा माल चोरून नेला. ही बाब आज 22 जानेवारी ला सकाळी नऊ वाजता तिथे साईड वर असलेले सुपरवायझर विनोद चरणदास डोंगळे यांच्या निदर्शनास आली. तात्काळ त्यांनी राजुरा पोलीस स्टेशन गाठत या संपूर्ण चोरीच्या प्रकरणाची लेखी तक्रार केली असून राजुरा पोलीस या चोरीचा तपास करीत आहे. विशेष म्हणजे सदर बांधकामाचे ठीकाणी चौकीदार ठेवण्यात आला नाही.