विदर्भवाद्यांचा अडीच तास चक्काजाम; विविध समस्यांकडे वेधले लक्ष

• विदर्भवाद्यांचा अडीच तास चक्काजाम
• विविध समस्यांकडे वेधले लक्ष

आमचा विदर्भ - ब्युरो रिपोर्ट्स

कुरखेडा -

स्वतंत्र विदर्भ राज्य निर्मितीसह विविध मागण्यांना घेऊन विदर्भ राज्य आंदोलन समितीद्वारे रविवारी पुराडा येथील रामगड टी पाईंटवर चक्काजाम आंदोलन करण्यात आला. यामुळे दुपारी 12 ते 2.30 वाजतापर्यंत सलग अडीच तास संपूर्ण वाहतूक ठप्प पडली होती. स्वतंत्र राज्य निर्मिती करा, तालुक्यातील अपात्र घरकूल यादीचे पुनर्सर्वेक्षण करावे, धान विक्रीवर बोनस, पुराडा येथे चराईकरिता जागेचा मालकी हक्क ग्रामपंचायतीला प्रदान करावा, विद्युत डिमांड भरलेल्या शेतकऱ्यांना तत्काळ कृषी पंपाचे कनेक्शन द्यावे अशा विविध मागण्यांकडे शासनाचे लक्ष वेधण्यासाठी विदर्भवाद्यांकडून चक्काजाम आंदोलन करण्यात आले. यावेळी नासिर जुम्मन शेख व पदाधिकाऱ्यांनी आंदोलनकर्त्यांना मार्गदर्शन केले. तसेच विविध मागण्यांचे निवेदन संबंधित अधिकाऱ्यांना सादर करण्यात आले. आंदोलनाचे नेतृत्व विदर्भ राज्य आंदोलन समितीचे जिल्हाध्यक्ष राजेंद्रसिंह ठाकूर, उपाध्यक्ष घिसू खुणे, सरपंच अशोक उसेंडी. उपसरपंच रामचंद्र रोकडे, कुरखेडा शहरप्रमुख मुक्ताजी संबंधित अधिकाऱ्यांना सादर करण्यात आले. आंदोलनाचे नेतृत्व विदर्भ राज्य आंदोलन समितीचे जिल्हाध्यक्ष राजेंद्रसिंह ठाकूर, उपाध्यक्ष घिसू खुणे, सरपंच अशोक उसेंडी. उपसरपंच रामचंद्र रोकडे, कुरखेडा शहरप्रमुख मुक्ताजी दुर्गे, युवा आघाडी प्रमुख ग्यानचंद्र सहारे, जय विदर्भ पार्टीचे जिल्हाध्यक्ष नासीर जुम्मन शेख यांनी केले. यावेळी पुराडा, हेटीनगर, खेडेगाव, चिरचाडी, लक्ष्मीपुर, डोंगरगाव, रामगड, भटेगाव येथील नागरिक सहभागी झाले होते.

आंदोलनाला अधिकाऱ्यांची भेट

विविध मागण्यांकडे शासनाचे लक्ष वेधण्यासाठी विदर्भवाद्यांनी अडीच तास चक्काजाम आंदोलन केला. या आंदोलनाची दखल घेत मंडळ अधिकारी उसेंडी.वीज वितरण कंपनीचे कनिष्ठ अभियंता श्रीनाथ यांनी आंदोलनस्थळी भेट दिली. यावेळी विविध समस्यांवर करून विदर्भवाद्यांनी संबंधित अधिकाऱ्यांना निवेदन सदर केले. मागण्यांसंदर्भात वरिष्ठ स्तरावर पाठपुरावा करण्याचे आश्वासन अधिकाऱ्यांनी दिले.