गृहनिर्माण मंत्री जितेंद्र आव्हाड यांचा निषेध
शशी ठक्कर - आमचा विदर्भ प्रतिनिधी
चंद्रपूर -
महाराष्ट्र गृहनिर्माण व क्षेत्र विकास प्राधिकरण म्हाडाच्या नोकर भरतीसाठी 565 जागा निघाल्या होत्या. पहिल्या टप्प्यात 12 डिसेंबर रोजी परीक्षा होणार होती, परंतु परीक्षेच्या आदल्या रात्रीच गृहनिर्माण मंत्री जितेंद्र आव्हाड यांनी परीक्षा रद्द करण्याचा निर्णय घेतला, त्यामुळे आधीच हवालदील असलेले बेरोजगार विद्यार्थ्यांना परीक्षा देण्यापूर्वीच नैराश्य पत्करावे लागले. आव्हाड यांच्या या निर्णयाच्या विरोधात भाजयुमोने निषेध आंदोलन करून जिल्हाधिकारी यांच्याकडे एका शिष्टमंडळाने विशाल निंबाळकर यांच्या नेतृत्वात निवेदन सादर केले. महाराष्ट्र गृहनिर्माण व क्षेत्र विकास प्राधिकरण म्हाडाच्या नोकर भरतीसाठी 565 जागा 6 लाख विद्यार्थ्यांनी अर्ज केलेला होता. 12,15,19,20, डिसेंबर 2021 दोन सत्रांमध्ये या परीक्षा घेण्याचे ठरले होते. रविवार 12 डिसेंबरला सकाळच्या सत्रात कार्यकारी अभियंता, स्थापत्य उप अभियंता, स्थापत्य, सहाय्यक अभियंता, स्थापत्य आणि सहाय्यक विधी सल्लागार व दुपारच्या सत्रात कनिष्ठ अभियंता यासाठी परीक्षा होणार होती. या दिवशीच्या परीक्षांसाठी 1 लाख 60 हजार विद्यार्थ्यांनी अर्ज सादर केलेला होता. परीक्षेच्या आदल्या रात्री या विभागाचे मंत्री जितेंद्र आव्हाड यांनी परीक्षा रद्द करण्याचा निर्णय घेतला. आधीच बेरोजगार विद्यार्थी परीक्षेची वाट बघत असतात, या निर्णयामुळे विद्यार्थ्यांला नैराश्य पत्करावे लागणे हे गृहनिर्माण विभागाचे मंत्री यांच्या निर्णयामुळे झाला आहे. त्यामुळे मध्यरात्री म्हाडाची परीक्षा रद्द करण्याचा तुघलकी निर्णय निंदनीय आहे, असे प्रतिपादन भारतीय जनता युवा मोर्चाचे महानगर जिल्हाध्यक्ष विशाल निंबाळकर यांनी केले आहे. या निर्णयाविरोधात माजी अर्थमंत्री तथा विधीमंडळ लोकलेखा समितीचे अध्यक्ष आ. सुधीर मुनगंटीवार आणि भाजपा महानगराचे अध्यक्ष डॉ. मंगेश गुलवाडे यांच्या मार्गदर्शनात भाजयुमोतर्फे आंदोलन करण्यात आले. या आंदोलनानंतर जिल्हाधिकाऱ्यांकडे भाजयुमोच्या शिष्टमंडळाने विशाल निंबाळकर यांच्या नेतृत्वात निवेदन सादर केले.
टिप्पणी पोस्ट करा
Thanks for your response, We will reply you soon, You haven't followed Aamcha Vidarbha yet, you follow Aamcha Vidarbha now.