ग्रामपंचायत पोटनिवडणुकीत शिवसेना 4, काँग्रेस 3 व शेतकरी संघटना 1 उमेदवार विजयी

• ग्रामपंचायत पोटनिवडणुकीत शिवसेना 4, काँग्रेस 3 व शेतकरी संघटना 1 उमेदवार विजयी

आमचा विदर्भ - ब्युरो रिपोर्ट्स

राजुरा -

राजुरा तालुक्यात आठ ग्रामपंचायत जागेसाठी झालेल्या पोटनिवडणुकाचे निकाल आज घोषित झाले असून शिवसेनेचे सास्ती येथे दोन, रामपूर येथे एक व हरदोना येथे एक असे चार उमेदवार विजयी झाले. विरूर स्टेशन, सिंधी आणि सुमठाणा येथे प्रत्येकी एका जागेवर कॉंग्रेस पक्षाचे उमेदवार विजयी झाले. विरुर स्टेशन येथे शेतकरी संघटनेची महिला अविरोध विजयी झाली.

सास्ती येथे शिवसेनेचे मुरारी बुगावार व पोर्णिमा भटारकर, हरदोना येथे किसन टेकाम आणि रामपूर येथे लता डाखरे हे शिवसेनेचे उमेदवार विजयी झाले. कॉँग्रेस पक्षाचे विरुर स्टेशन येथे रविंद्र कुळमेथे, सिंधी येथे किशोर कोडापे आणि सुमठाणा येथे अरुण डंभारे विजयी झाले. विरूर येथेच शेतकरी संघटनेच्या मल्लुबाई मल्लेश मालपेल्ली या अविरोध विजयी झाल्याचे घोषित करण्यात आले.