गडचांदूर येथील ऐतिहासिक बुद्धभूमीवर धम्मचक्र प्रवर्तन दिन साजरा

• नगराध्यक्षा सविता टेकाम यांच्या अध्यक्षतेखाली मार्गदर्शन सभा संपन्न

धनराजसिंह शेखावत - आमचा विदर्भ प्रतिनिधी

गडचांदूर -

ऐतिहासिक बुद्धभूमी गडचांदूर येथे १५ ऑक्टोबरला अशोक विजया दशमीला धम्मचक्र प्रवर्तन दिनाच्या निमित्ताने विविध कार्यक्रमांचे आयोजन करण्यात आले होते. भंते कश्यप यांच्या हस्ते धम्म ध्वजारोहण करण्यात आले. यावेळी सामुहिक बुद्ध वंदना घेण्यात आली. गडचांदूर नगरपरिषदेच्या नगराध्यक्षा सविता टेकाम यांच्या अध्यक्षतेखाली मार्गदर्शन सभेचे आयोजन करण्यात आले. 

कार्यक्रमांत भंते कश्यप, ठाणेदार आमले, नगरसेवक तथा गटनेते विक्रम येरणे, नगरसेवक तथा आरोग्य सभापती राहुल उमरे, नगरसेवक अरविंद मेश्राम, नगरसेविका अश्विनी कांबळे, सुरेश टेकाम, जि. एस. कांबळे मारोती लोखंडे, प्रा. रामराव पुणेकर, गौतम भसारकर, ईश्वर पडवेकर इत्यादीं उपस्थित होते. उपस्थित मान्यवरांनी आपले समयोचित विचार मांडले. कार्यक्रमाचे प्रास्ताविक गोसावी चांदेकर, संचालन अशोककुमार उमरे तर आभार प्रदर्शन वागदे यांनी केले.