चंद्रपूर कृषी उत्पन्न बाजार समितीत शेतकऱ्यांची सर्रास लुटवर आक्रोश

• शेतकरी संघटनेचे युवा नेते रत्नाकर चटप संतापले
• बघा व्हिडीओ 

धनराजसिंह शेखावत - आमचा विदर्भ प्रतिनिधी

चंद्रपूर -

येथील कृषी उत्पन्न बाजार समितीत शेतकऱ्यांची सरास लूट सुरू आहे. प्रत्येक पोत्यामागे १ किलो १०० ग्रॅम इतके वजन कपात करून काटामारी केली जात होती. यामागचे कारण विचारले असता पोत्याचे १ किलो वजन व बाजार समिती नियमानुसार १०० ग्रॅम असे मिळून १ किलो १०० ग्रॅम कपात केल्याचे मापारी यांनी सांगितले. त्यांनतर ही बाब बिलात लेखी नमुद करण्यास सांगितल्यानंतर टाळाटाळ करण्यात आली. हजारो क्विंटल सोयाबीन मागे दिवसभरात लाखो रुपयांची शेतकऱ्यांची लूट करण्यात आली होती. ही बाब संवेदनशील साहित्यिक व शांत स्वभावाचे रत्नाकर चटप यांच्या लक्षात शेतकऱ्यांनी आणून दिल्यानंतर त्यांचा देखील राग अनावर झाला व आक्रोशीत रत्नाकर चटप यांनी उपस्थित कर्मचारी व आढत्यांना धारेवर धरले. अखेर त्यांनी आवाज उचलल्यानंतर उपस्थित सर्व शेतकऱ्यांना कपात केलेल्या पोत्यामगील १०० ग्रॅम वजनाचे पैसे परत करण्यात आले. चंद्रपूर कृषी उत्पन्न बाजार समितीत शेतकऱ्यांची याप्रकारे होणारी सर्रास लुटीवर आला घालण्याची मागणी शेतकऱ्यांनी केली आहे.