यंदा पोळा घरूनच साजरा करा

विरेंद्र पुणेकर- आमचा विदर्भ तालुका प्रतिनिधी

राजुरा -

यंदा पोळा घरीच साजरा करोनाबाधितांची संख्या कमी असली तरी करोना अद्याप गेलेला नाही. सणांच्या काळात करोनाचा संसर्ग वाढण्याचा धोका आहे. या पार्श्वभूमीवर नागपूर तसेच चंद्रपूर जिल्ह्यात करोनाचे संकट वाढू नये, यासाठी यंदाचा पोळा आणि तान्हा पोळा हा सण सार्वजनिकरीत्या साजरा करण्यास प्रतिबंध घालण्यात आला आहे. जिल्हाधिकारी श्री अजय गुल्हाने  यांनी याबाबतचा आदेश काढत सुरक्षेच्या उपाययोजनांचे पालन करण्याच्या सूचना दिल्या.

महाराष्ट्र राज्य कोव्हिड टास्क फोर्सने करोनाच्या तिसऱ्या लाटेची शक्यता वर्तविली आहे. राज्यातील इतर जिल्ह्यांतही डेल्टा प्लसचे रुग्ण आढळून आले आहेत. त्यामुळे जिल्हा प्रशासनाकडून प्रतिबंधात्मक उपाययोजना करण्यात येत आहे. सोमवार, ६ सप्टेंबर रोजी पोळा असून सुरक्षेच्या नियमांचे पालन करण्याचे आवाहन प्रशासनाकडून करण्यात आले आहे.