Aamcha Vidarbha

 कुटुंबातील सदस्यांनी स्वतः बनवली गणेश व बालाजीची मूर्ती : केला आकर्षक देखावा

दररोज शेकडो भाविक घेत आहे दर्शनाचा लाभ

राजुरा - 

शहरातील प्रतिष्ठित व्यापारी नारायणप्रसादजी झंवर यांच्या घरी बसविण्यात आलेल्या गणपती व बालाजी ची आकर्षक मूर्ती व सजावट शहरात आकर्षणाचे केंद्र बनली आहे. गणपती व बालाजीच्या दर्शनाकरिता दररोज शेकडो भावीक येत असून आकर्षक सजावट पाहून मंत्रमुग्ध होत आहे. कोरोनाच्या पार्श्वभूमीवर मागील वर्षीपासून सार्वजनिक गणेश महोत्सवात कपात करण्यात आली असली तरी भक्तांच्या उत्साहात मात्र काही कमी झाली नाही हे या वरून सिद्ध होत आहे. २०१३ पासून येथील प्रतिष्ठित व्यायसायिक झंवर कुटुंबातील सदस्य मिळून दरवर्षी स्वतः गणपतीची मातीची मूर्ती व आकर्षक देखावा तयार करीत असतात. गणेशचतुर्थीच्या दोन-तीन महिना अगोदरपासूनच दिवसभर दुकाव्यावसाय रात्री ९ नंतर पहाटे ३ केव्हा ४ वाजेपर्यंत मूर्ती व आकर्षक देखाव्यावर दररोज झटत असतात यावरून या कुटुंबातील प्लॅनिंग, मॅनेजमेंट व संयुक्त कुटुंबाला पूरक अशी भावना लक्षात येते. 

यावर्षी या कुटुंबातील गोपाल, गजेंद्र, श्याम, पंकज व घरच्या स्त्रीशक्तीने स्वतःच्या स्वकल्पनेने गणपती व बालाजीची कवट्या, मणी द्वारे हुबेहूब प्रतिमा तयार केली त्याला साजेशी विद्युत रोषणाई करण्यात आलेली आहे. गणेश सजावट पाहण्याकरिता दररोज शेकडो भाविक येत असून कुटुंबातील सदस्य तेवढ्याच आपुलकीने भाविकांचे स्वागतही करीत आहे. कुटुंबाचे भगवंताप्रती असलेले नाते इतरांनाही प्रेरणादायक ठरत आहे.