केवळ स्वमालकीच्या भूखंडाचेच मोजणी शुल्क आकारण्यात यावे - आ. किशोर जोरगेवार

• महसूल मंत्री बाळासाहेब थोरात यांच्याशी चर्चा, ना. थोरात यांनी मान्य केली मागणी, लवकरच निघाणार तोडगा

शशी ठक्कर - आमचा विदर्भ प्रतिनिधी

चंद्रपूर -

परावर्तीत ले-आउट मधील स्वमालकीचे भूखंड मोजणीकरिता संपूर्ण  ले-आउट भूखंड मोजणी शुल्क भरावे लागत असल्याने भुखंड मालकाला मोठा आर्थिक फटका बसत आहे. त्यामूळे मागणीनूसार केवळ स्वमालकीच्याच भुखंडाचे शुल्क जमीन मालका कडून आकारण्यात यावे अशी मागणी आमदार किशोर जोरगेवार यांनी महसुल मंत्री बाळासाहेब थोरात यांना केली. याकरीता आज मुंबई मंत्रालयात त्यांनी ना. थोरात यांनी भेट घेत सदर विषयाकडे त्यांचे लक्ष वेधले. ना. थोरात यांनीही ही मागणी मान्य केली आहे.

चंद्रपूर जिल्ह्यामध्ये नागरिकांच्या सोयीप्रमाणे मोठ्या भूखंडाचे ले-आउट पाडून परावर्तीत भूखंड तयार करण्यात येत आहे. त्या ले- आउट मधील स्वमालकीचे परावर्तीत भूखंड मोजणी करावयाचे झाल्यास त्यांना संपूर्ण ले- आउट मधील भूखंड मोजणीचे शुल्क भरावे लागत आहे. सोबतच त्या ले-आउट मधील सर्व भूखंड मालकांना वेळ काढून मोजणी करिता उपस्थित राहावे लागत आहे. अश्या परिस्थितीत भूखंड मालकाला आर्थिक व मानसिक त्रास सहन करावा लागत आहे. त्यामूळे परावर्तीत ले आउट मधील भूखंड हा एकच स्वतंत्र भूखंड ग्राह्य पकडून  स्वमालकीचे भूखंड मोजणीकरिता संपूर्ण ले-आउट भूखंड मोजणी शुल्क न भरता फक्त मागणीनुसार स्वतंत्र स्वमालकीच्या भूखंडाची मोजणी शुल्क आकारण्यात यावे. अशी मागणी आमदार किशोर जोरगेवार यांनी केली आहे. या मागणीकरीता आज त्यांनी मुंबई येथील मंत्रालयात महसूल मंत्री बाळासाहेब थोरात यांची भेट घेतली. यावेळी त्यांनी सवीस्तर चर्चा करत सदर विषय त्यांच्या लक्षात आणून दिला. त्यानतंर ना. बाळासाहेब थोरात यांनीही ही मागणी रास्त असल्याचे मान्य केले आहे. त्यामूळे हा प्रश्न आता लवकरच मार्गी लागणार आहे.