जिल्हा नियोजन समितीच्या विशेष निमंत्रितपदी जिल्ह्यातील ११ सदस्यांची निवड

• खासदार सुरेश धानोरकर, राजुराचे आमदार सुभाष धोटे, संदीप गिऱ्हे, अजय वैरागडे, घनश्याम मुलचंदानी, अरुण निमजे व इतरांची निवड

शशी ठक्कर - आमचा विदर्भ प्रतिनिधी

चंद्रपूर -

महाराष्ट्र जिल्हा नियोजन समितीची रचना व नियमन अधिनियमन कलम 30/2000 तील विविध कलमानुसार विधिमंडळ सदस्य, संसद सदस्यांमधून 2 व्यक्तीची 'नामनिर्देशित सदस्य' व जिल्हा नियोजनाचा अनुभव असलेल्या व सामान्यपणे जिल्हा नियोजन समितीच्या क्षेत्रातील वास्तव्यास असलेल्या 11 व्यक्तींची "विशेष निमंत्रित" म्हणून जिल्ह्याच्या जिल्हा नियोजन समितीवर नियुक्ती करण्यास शासनाची मान्यता प्रदान करण्यात आली आहे. या संदर्भात मा. जिल्हाधिकारी तथा सदस्य सचिव, जिल्हा नियोजन समिती यांनी उपरोक्त आदेश सर्व संबंधितांच्या निदर्शनास आणून द्यावेत.  

विधिमंडळ व संसद सदस्यामधून नामनिर्देशित सदस्य म्हणून खासदार सुरेश नारायणराव धानोरकर, विधानसभा सदस्य सुभाष रामचंद्र धोटे यांची नियुक्ती करण्यात आली आहे तर जिल्हा नियोजनाचा अनुभव असलेले नामनिर्देशित सदस्य म्हणून प्रा. राजेश मारोतराव कांबळे रा.ब्रम्हपुरी, राजेंद्र गुणवंतराव वैद्य, समाधी वार्ड चंद्रपूर, यांची नियुक्ती करण्यात आली आहे.

जिल्हा नियोजनाचा विशेष ज्ञान असलेले विशेष निमंत्रित सदस्य म्हणून 11 सदस्यांची निवड करण्यात आली आहे यात संदीप नारायण गड्डमवार रा.सावली, जि. चंद्रपूर, गजानन तुकाराम बुटके रा.चिमूर जि. चंद्रपूर, घनश्याम खुशीमल मुलंचंदानी, किल्ला वॉर्ड बल्लारपूर जि. चंद्रपूर, दादाजी पांडुरंग लांडे, रा.राजुरा जि. चंद्रपूर, प्रकाश देवतळे, रा.चंद्रपूर, अजय रामभाऊ वैरागडे, रा.चंद्रपूर, संदीप अनिलराव गिऱ्हे, जि. चंद्रपूर, नरेंद्र महादेव पंढाळ, रा.भद्रावती जि. चंद्रपूर, भोजराज उपासराव रा.नागभीड जि. चंद्रपूर, मोरेश्वर टेमुर्डे, रा.अंबादेवी वॉर्ड वरोरा जि. चंद्रपूर, अरुण केशवराव निमजे रा.गडचांदूर त.कोरपना जि. चंद्रपूर इ ची जिल्हा नियोजन समितीवर निवड झाली आहे.