गोवरी कॉलनीच्या समस्या घेऊन सरपंच आशा उरकुडे यांच्या नेतृत्वात वेकोलीला निवेदन

• ग्रापं सदस्यांसोबत शिवसेना विधानसभा समन्वयक बबन उरुकुडे यांची उपस्थिती

आमचा विदर्भ - ब्युरो रिपोर्ट्स

राजुरा -

तालुक्यातील गोवरी ग्रामपंचायत हद्दीत येणाऱ्या वेकोलीच्या कॉलनीत वेकोली प्रशासनाकडून सतत दुर्लक्ष करण्यात येत आहे. स्थानिक पातळीवरील समस्या सोडवण्यात वेकोली प्रशासनाचा भोंगळ कारभार दिसून येत आहे. रस्त्याच्या बाजूने झाडे दुतर्फा वाढत असल्यामुळे नागरिकांना ये-जा करण्यास असुरक्षित वाटत आहे. गटारे पूर्ण भरल्यामुळे पानी रस्तावर येत आहे. कचरा कुंड्या पूर्णतः भरल्या असून गेले भरपूर दिवस त्या साफ केल्या गेल्या नाही. वाढत्या झाडांमुळे रानडुकरांचा वावर वाढला असून नागरिकांना धोका निर्माण झाला आहे. यासह विविध समस्या घेऊन गोवरीच्या सरपंच्या सौ आशा उरकुडे यांच्या नेतृत्वात सिव्हील सर्च ऑफिस येते निवेदन देण्यात आले. वेकोलीचे अधिकारी सबेरिया यांनी समस्यांचे निवकरन करू असे आश्वासन दिले. याप्रसंगी शिवसेनेचे राजुरा विधानसभा समन्वयक बबन उरकुडे. उपसरपंच उमेश मिलमिले, ग्रा प सदस्य नीलम कोसूरकर, ग्रा प सदस्य भीमराव मिट्टूवार, माजी सदस्य अमोल कोसूरकर, केतन जुनघरी आणि नागरिक उपस्थित होते.