आमदार किशोर जोरगेवार यांच्या हस्ते शहरातील विविध ठिकाणच्या १२ विकास कामांचे भुमिपूजन

शशी ठक्कर - आमचा विदर्भ प्रतिनिधी

चंद्रपूर -

शहरातील विविध विकास कामांसाठी स्थानिक विकास निधी व खनिज विकास निधीतून आमदार किशोर जोरगेवार यांनी मोठा  निधी मंजूर केला असून या निधीतून लालपेठ, इंदिरा नगर आणि पागलबाबा नगर येथील १२ विकास कामे केल्या जाणार आहे. आज या कामांचे आमदार किशोर जोरगेवार यांच्या हस्ते भूमिपूजन करण्यात आले.

यावेळी यंग चांदा ब्रिगेडचे संघटक कलाकार मल्लारप, आदिवासी विभागाचे जिल्हाध्यक्ष जितेश कुळमेथे, राजेश वर्मा,  संजीव बहूरीया, अशोक अहूजा, बंडु तोटावार, वेकंटेश सुरा, सुदामा यादव, क्रिष्णा यादव,  प्रतिक रामटेके, अमन खान, मनोज मत्ते, वेनू कोडेन, चंद्रकांत पाटील, रुपेश मुलकावार, नरेश आत्राम, संदिपपान मुन, नितेश बोरकूटे, सतिश सोनटक्के, निखील शेंडे, कल्पना पाटील, सुनंदा मून, लक्ष्मन पूरेड्डीवार, मदन माडूरवार, क्रिष्ण स्वामी, अच्यूतन नायर, शिंघरी यादव, मधूकर मोहितकर, निताई कुंन्डू, सूभाष सोनी,  किशोर रामशेट्टीवार आदिंची उपस्थिती होती.

विधानसभा क्षेत्रातील शहरी व ग्रामीण भागाच्या विकासासाठी आमदार किशोर जोरगेवार यांचे सातत्याने प्रयत्न सुरु असून या भागाच्या विकास कामांसाठी त्यांच्या वतीने स्थानिक विकास निधी व खनिज विकास निधीतून मोठा निधी उपलब्ध करुन देण्यात आला आहे. या निधीतून इंदिरा नगर येथील सिमेंट काँक्रिटचे तिन रोड,  पागलबाबा नगर येथील सिमेंट काँक्रीट रोडसह इतर ८ विकास कामे तसेच लालपेठ येथील सार्वजनिक शौचालयाचे बांधकाम मंजूर करण्यात आले आहे. या सर्व विकास कामांचे आज शुक्रवारी आ. किशोर जोरेगेवार यांच्या हस्ते भुमिपूजन संपन्न झाले.