शिवसेना उपतालुका प्रमुखपदी सुधाकर मोरे यांची नियुक्ती

विरेन्द्र पुणेकर - आमचा विदर्भ तालुका प्रतिनिधी

राजुरा -

हिंदुहृदयसम्राट शिवसेना प्रमुख मा. बाळासाहेब ठाकरे यांच्या आशिर्वादाने, शिवसेना पक्ष प्रमुख मा. उद्धवजी ठाकरे यांच्या आदेशानुसार व शिवसेना नेते खासदार गजानन किर्तीकर यांच्या सूचनेनुसर चंद्रपूर जिल्हा संपर्कप्रमुख प्रशांत कदम यांनी राजुरा शिवसेना उपतालुका प्रमुख पदी सुधाकर तुकाराम मोरे (जिल्हा परिषद क्षेत्र, विरुर स्टेशन) यांची नियुक्ती केली. नवनियुक्त राजुरा शिवसेना उपतालुका प्रमुख सुधाकर मोरे यांनी तालुक्यात पक्षाचा प्रसार व प्रचार जोमाने करावा अशी सूचना देत पुढील वाटचालीच्या त्यांना शुभेच्छा देण्यात आल्या. यावेळी शिवसेना जिल्हाप्रमुख संदीप गिऱ्हे, शिवसेना उपजिल्हा प्रमुख संदीप करपे, राजुरा विधानसभा समन्वयक बबन उरकुडे, राजुरा शिवसेना तालुका प्रमुख राजू डोहे, शहर प्रमुख निलेश गंपावार, समन्वयक वासुदेव चापले, सुनील लेखराजानी, शिवसेना उपतालुका प्रमुख रमेश झाडे, युवासेना तालुका प्रमुख अमित मालेकर उपस्थित होते.