नप ठेकेदाराला पडला नालीवर चेम्बर बसविण्याचा विसर

• ठेकेदारांचा दिरंगाईने एकाचा छातीला तर एकाचा कंबरेला जबर मार
• पुन्हा कोणी पडण्याचा आधी चेंबर बसवा अन्यथा ठेकेदाराला चोप देण्याची नागरिकांची तयारी

विरेन्द्र पुणेकर - आमचा विदर्भ प्रतिनिधी

राजुरा -

स्थानिक मस्जिद वॉर्ड नं ४ मध्ये खंडाळे ते बुटले यांच्या घरापर्यंत नालीचे बांधकाम नुकतेच करण्यात आले. गडचांदूर मुख्य मार्गाला जोडणाऱ्या नालीवरील पुलाला बाजूने चेम्बर न दिल्याने दोन वेगवेगळ्या घटनेत दोन इसम या नालीत पडले. त्यात एकाचा कंबरेला व दुसऱ्याच्या छातीला जबर दुखापत झाल्याने नप ठेकेदाराच्या थातुर मातुर कामाबद्दल नागरिकांत प्रचंड चीड निर्माण झाली आहे. पुन्हा कोणी पडण्याचा आधी चेंबर बसवा अन्यथा ठेकेदाराला चोप देणार अशी संतप्त प्रतिक्रिया नागरिकांनी दिली आहे. 

मस्जिद वॉर्ड नं ४ मध्ये खंडाळे ते बुटले यांच्या घरापर्यंत नालीचे बांधकाम नुकतेच करण्यात आले. ठेकेदाराने नियमानुसार रस्त्यावरील माती हटविणे गरजेचे असतांना फक्त नाली बनवून ठेकेदाराने कामाची इतिश्री केली. गडचांदूर मुख्य मार्गाला जोडणाऱ्या नालीवरील पुलाला बाजूने चेम्बर न दिल्याने रात्रीचा अंधारात पुन्हा या रस्त्यावरून ये-जा करणारे पडतील कि काय अशी भीती व्यक्त करण्यात येत आहे. विकासपुरुष नगराध्यक्ष अरुणभाऊ धोटे व मुख्याधिकारी यांनी याकडे जातीने लक्ष देत ठेकेदाराला तंबी देऊन नालीवर तात्काळ चेंबर लावून देण्याची मागणी वॉर्डातील नागरिकांनी केली आहे. 

बातम्या अधिक आहेत......

कोरोना काळात सेवा देणाऱ्या डॉक्टरांची राजकीय आक्सापोटी हेतुपुरस्पर बदनामी ⭕ प्रसारमाध्यमांकरिता लावून दिलेल्या स्वनियमांच्या प्रसारमाध्यमांनाच पडलाय विसर