पुसद तालुक्यातील येरंडा परिसरात जोरदार पाऊस

• रोहिणी नक्षत्राच्या पावसाने जोरदार हजेरी लावली

रक्षक पाटील - आमचा विदर्भ प्रतिनिधी
यवतमाळ -
यवतमाळ जिल्ह्यात पुसद तालुक्यातल्या येरंडा परिसरात रोहिणी नक्षत्राच्या पावसाने जोरदार हजेरी लावली. पहिल्याच जोरदार पावसाने नाले तुडुंब भरून वाहू लागले. पाऊस इतका जोरदार होता कि वाड्याला पूर येते कि काय अशी चर्चा सुरू झाली. जुन महिन्यातील पहिल्याच पावसाने धोधो बरसुन सर्वत्र परिसरात गारावा निर्माण केला. पावसाने तापमानात घट झाली. मोठ्या प्रमाणात पाऊस झाल्याने नाले भरून वाहू लागले आहेत. चांगला पाऊस पडल्या मुळे शेतीच्या कामासाठी शेतकर्यांची लगभग सुरू झाली असली तरी यंदा जून महिन्याच्या सुरुवातीला जरी पाऊस पडला असेल तरीही शेतकऱ्यांनी पेरण्यांची घाई करू नये. जूनच्या पहिल्या-दुसऱ्या आठवड्यानंतर पावसाचा अंदाज घेऊनच शेतकऱ्यांनी पेरणीचं नियोजन करावं, असे आवाहन कृषी तज्ञानी केले आहे.