आयशा - आमचा विदर्भ कार्यालय प्रतिनिधी
नागपूर -
गुन्हेगाराने साथीदाराच्या मदतीने ठार मारण्याची धमकी देऊन डॉक्टरला खंडणीची मागणी केली. ही घटना नवीन कामठीतील आशा हॉस्पिटलमध्ये घडली. डॉ. राजेंद्र रामबाबू अग्रवाल वय ६५ यांनी दिलेल्या तक्रारीवरून पोलिसांनी पोलिसांनी दोघांविरुद्ध धमकी व खंडणीचा गुन्हा दाखल केला. पोलिसांनी शरद देवराव गोमेकर वय ३८, रा. कल्पतरू कॉलनी याला अटक केली. त्याचा साथीदार मुकेश चौधरी हा फरार आहे.
मिळालेल्या माहितीनुसार, २०१४ मध्ये शरद गोमेकर याने कन्हान येथे मिठ्ठू या गुन्हेगारावर हल्ला केला. जखमी मिठ्ठूला आशा हॉस्पिटलमध्ये दाखल करण्यात आले. त्यानंतर शरद व त्याच्या साथीदारांनी हॉस्पिटलमध्ये घुसून मिठ्ठूची हत्या केली. याप्रकरणात कन्हान पोलिसांनी शरद व त्याच्या साथीदारांना अटक केली. काही दिवसांपूर्वी शरद हा कारागृहातून जामिनावर सुटला. बुधवारी त्याने डॉ. अग्रवाल यांच्या मोबाइलवर संपर्क साधून ठार मारण्याची धमकी देऊन खंडणीची मागणी केली. खंडणी न दिल्यास हॉस्पिटलमध्ये तोडफोड करण्याची धमकीही त्यांनी दिली. डॉ. अग्रवाल यांनी लगेच पोलिसांत तक्रार दिली. त्यानुसार, कारवाई करण्यात आली.
टिप्पणी पोस्ट करा
Thanks for your response, We will reply you soon, You haven't followed Aamcha Vidarbha yet, you follow Aamcha Vidarbha now.