बंद पडलेल्या वॉशरीज मधून मोटार चोरी

अनिल गंपावार - आमचा विदर्भ तालुका प्रतिनिधी

राजुरा -

गडचांदूर मार्गावरील पंढरपोवनी जवळील बंद पडलेल्या भाटिया कोल वॉशरीज मधून अज्ञात चोरटयांनी जळलेली सबमर्सिबल मोटार २ नग अंदाजे किंमत १० हजार, जळलेली वायब्रेटींग मोटार २ मग अंदाजे किंमत ३ हजार, १ खराब नोझल अंदाजे किंमत ४ हजार असा एकूण १७ हजार रुपये किमतीचा ऐवज चोरून नेला. हि कोल वॉशरीज मागील ६ महिन्यापासून बंद आहे. पण तिथे सुरक्षा रक्षक दिवस रात्र राहतात दि. १४ च्या रात्री चोरी झाल्याची माहिती सुरक्षा रक्षकाने व्यवस्थापक विनोदकुमार मिश्रा यांना दिली. विनोदकुमार मिश्रा च्या तक्रारीवरून पोलिसांनी अज्ञात चोरट्यांच्या विरोधात गुन्हा दाखल केला असून तपास सुरु आहे.