विद्यार्थ्यांनी घेतला मराठी भाषा गौरव दिना निमित्य शब्दसंग्रहात भाग

तिरुपती नल्लाला - आमचा विदर्भ प्रतिनिधी

विरूर स्टेशन (राजुरा) -

जिल्हा परिषद उच्च प्राथमिक शाळा सोनुर्ली येथे २० फेब्रुवारी रोजी आंतरराष्ट्रीय मातृभाषा दिन व मराठी भाषा गौरव दिनानिमित्त "माझा मराठी बोलीभाषेचा शब्दकोश " या उपक्रमाचे आयोजन करण्यात आले. उपक्रमात विद्यार्थ्यांनी उत्स्फूर्तपणे सहभाग घेतला. सर्वाधिक शब्दांचा संग्रह करणाऱ्या तीन विद्यार्थ्यांची निवड करून त्यांना बक्षिसे देऊन गौरव करण्यात आला. यात आकाश मारोती ढोले इयत्ता ६ वी प्रथम क्रमांक, सुमीत दशरथ पेटकर इयत्ता ७ वी द्वितीय क्रमांक व अंतरीष बापुराव आदे इयत्ता ७ वी याने तृतीय क्रमाक पटकावला. 

कार्यक्रमाचे नियोजन भाषा शिक्षक दिलीप पाटील यांनी केले. परिक्षणाची जबाबदारी जेष्ठ सहशिक्षक सुरेश भगत सरांनी सांभाळली. सुनोजी किनगे सर व निलेश कुळमेथे सरांनी सहकार्य केले. मुख्याध्यापक किरण सोयाम यांनी उपक्रमाच्या उत्कृष्ट आयोजनाबद्दल सर्वांचे अभिनंदन केले.