विनामास्क फिरणाऱ्यांवर दंडात्मक कार्यवाहीचे आदेश

रमेश निषाद - आमचा विदर्भ प्रतिनिधी

बल्लारपूर -

बल्लारपूर तालुक्यातील सर्व टास्क फोर्स सदस्यांची वाढत्या कोरोना संसर्गाच्या संदर्भात उपविभागीय अधिकारी संजय कुमार डव्हळे यांचे अध्यक्षतेखाली बैठक आयोजित करण्यात आली होती. 

यासभेत आजपासूनच बिना मास फिरणाऱ्यांवर दंडात्मक कार्यवाही करण्याच्या सूचना नगरपरिषद क्षेत्रात नगरपरिषद यांनी आणि ग्रामपंचायत क्षेत्रात संवर्ग विकास अधिकारी यांनी करण्याच्या सूचना सभेत देण्यात आल्या. त्याचप्रमाणे सर्व मंगल कार्यालये, लॉन, पार्टी हॉल यामध्ये व्यक्तिगत समारंभासाठी 50 पेक्षा जास्त व्यक्ती उपस्थित राहणार नाही यासाठी खबरदारीचा उपाय म्हणून प्रत्येक समारंभामध्ये एक टीम पाठवून अचानक भेटी देऊन 50 पेक्षा जास्त व्यक्ती आढळल्यास दंडनीय कारवाई करण्याचे निर्देश सभेमध्ये देण्यात आले. या कालावधीत कोरोना चाचण्या वाढवून ट्रेसिंग करण्याच्या सूचना सभेत तालुका वैद्यकीय अधिकारी यांना देण्यात आल्या.