वाघाच्या हल्ल्यात गाय ठार

• सास्ती - मानोली शिवारात वाघाची चाहूल
• शेतकरी चिंतेत

अनिल गंपावार - आमचा विदर्भ तालुका प्रतिनिधी

राजुरा -

राजुरा तालुक्यातील सास्ती-मानोली शिवारातील ओढ्या जवळ एका गायी वर हल्ला करुन तिला जागीच ठार केल्याची घटना घडली. आज दुपारी ही घटना उघडकीस आली असून दोन दिवसापूर्वी वाघाने गायीवर हल्ला केला असावा असा अंदाज व्यक्त करण्यात येत आहे. सदर गाय विनोद चौधरी यांच्या मालकीची असल्याची माहिती मिळाली आहे. वन विभागाला या घटनेची माहिती देण्यात आली आहे.

राजुरा तालुक्यातील गोवरी-सास्ती कोळसा खाण परिसरा जवळ असलेल्या सास्ती-मानोली शेत परिसरात वाघाचे अस्तित्व आहे. या भागात झुडपी जंगल आणि ओढा असल्याने काही वन्य प्राणी या भागात आहेत. याघटनेमुळे मात्र वेकोलिच्या गोवरी वसाहत परिसरात व कामगारांमध्ये भीतीचे वातावरण निर्माण झाले आहे. वाघाच्या बंदोबस्त करावा अशी मागणी शेतकऱ्यांनी केली असून, नागरिकांनीही सतर्कता बाळगवावी असे आवाहन वनविभागाने केले आहे.