विद्यूत शॉक लागून शेतकऱ्याचा मृत्यू

• राजुरा तालुक्यातील चिंचोली येथील घटना
• मृतदेह अजूनही घटनास्थळीच.....

अविनाश रामटेके - प्रतिनिधी
विरुर स्टेशन / राजुरा -
शेतात काम करीत असताना महावितरण च्या खांबाला स्पर्श होऊन  साठ वर्षीय शेतकरी चा नाहक बळी गेल्याची घटना राजुरा तालुक्यातील चिंचोली येथे घडली. प्राप्त माहिती नुसार विरुर पोलीस स्टेशन अंतर्गत येत असलेल्या राजुरा तालुक्यातील चिंचोली येथिल मारोती लोहट वय 60 वर्ष हा आज दुपारी नेहमी प्रमाणे शेतात काम करण्या करीता गेला असता रोडवर असलेल्या आपल्या शेतात कुंपण करीत असताना महावितरण च्या वीज खांबाला वीज प्रवाह सुरू होता. दरम्यान खांबाला स्पर्ष होताच मारोती हा जाग्यावर कोसळला ,त्यावेळी तिथे कुणीच नसल्यामुळे ही बाब लक्षात आली नाही मात्र वडील घरी परत न आल्यामुळे त्याचा मुलगा शेताकडे गेला असता, वडील मृत अवस्थेत आढळले तेव्हा गावकर्यांना सांगितले असता गांवकरी धावून आले व सदर घटने ची माहिती विरुर पोलीस ठाण्यात व महावितरण कंपनीला देण्यात आली. महावितरण च्या दुर्लक्ष मूळे सदर घटना घडल्या चे गावकऱ्यांचे म्हणणे आहे. जोपर्यंत कंपनीवर मनुष्यवधाचा गुन्हा दाखल करून मृतक कुटूंबना योग्य न्याय देण्यात येणार नाही. तोपर्यंत मृत्यूदेहाला हात लावू दिले जाणार नसल्याचा पवित्रा गावकऱ्यांनी घेतला आहे. बातमी लिहे पर्यन्त महावितरणच्या एकही अधिकारी किंवा कर्मचारी घटनास्थळावर आलेला नसल्याने मृत्यूदेह जागेवरच आहे.