गांजासह 19 वर्षीय युवक अटकेत
पोलिसांची NDPS अंतर्गत कारवाई
आमचा विदर्भ - ब्युरो रिपोर्ट्स
भद्रावती (दि. 21 जून 2025) -
भद्रावती पोलिसांनी गांजासदृश अमली पदार्थ वाहून नेणाऱ्या एका १९ वर्षीय तरुणाला अटक करत NDPS कायद्यानुसार कारवाई केली आहे. आरोपीकडून एकूण 89,180 किंमतीचा मुद्देमाल जप्त करण्यात आला आहे. गुप्त माहितीच्या आधारे भद्रावती पोलीस ठाण्याचे सपोनि मोहन धोंगळे यांच्या मार्गदर्शनाखाली पेट्रोलिंग करत असताना DB पथकाने 20 जून रोजी रात्री 11 वाजल्यापासून ते 21 जूनच्या पहाटे 1 वाजेपर्यंत भद्रावती येथे सापळा रचून कार्यवाही केली.
पोलिसांनी तपासणी केली असता क्षितिज संजय जुनघरे वय 19 रा. भद्रावती याच्या पाठीवर असलेल्या बॅगमध्ये 1 किलो 480 ग्रॅम गांजासदृश पदार्थ आढळून आला, ज्याची बाजारातील किंमत सुमारे 29,080 इतकी आहे. शिवाय, आरोपीच्या ताब्यातील हीरो स्प्लेंडर दुचाकी MH 34 AJ 3464 ही अंदाजे 60,100 किंमतीची असल्याचे आढळून आले. पोलिसांनी असा एकूण 89,180 चा मुद्देमाल जप्त केला. पोलिसांनी सदर प्रकरणात NDPS कायद्यातील कलम 8(क), 20(ब)(ii)(ब) सह मोटार वाहन कायद्याचे कलम 3(1)/181 व 130/177 अंतर्गत गुन्हा दाखल केला आहे. पुढील तपास सुरु आहे.
टिप्पणी पोस्ट करा
Thanks for your response, We will reply you soon, You haven't followed Aamcha Vidarbha yet, you follow Aamcha Vidarbha now.