सोंडो येथील आदिवासी महिलेला बेदम मारहाण करणाऱ्या आरोपींवर कठोर कारवाई करा - गोंडवाना गणतंत्र पार्टीची मागणी

• गोगपा युवा मोर्चा महाराष्ट्र प्रदेश कार्याध्यक्ष गजानन जुमनाके सह शिष्टमंडळाने घेतली पीडित कुटुंबाची भेट

शैलेश कोरांगे - आमचा विदर्भ प्रतिनिधी

कोरपना -

राजुरा तालुक्यातील सोंडो येथील आदिवासी महिला सुनीता मेश्राम यांना शरीर सुखाची मागणी करण्यात आली होती. महिलेने चक्क नकार देत आव्हानात्मक तोंड देण्याचा प्रयत्न केला तेव्हा उडूतवार व्यक्तीने आपल्याला काय करणार या हेतूने बेदम मारहाण केली. त्या महिलेला चंद्रपूर येथे दवाखान्यात भरती करण्यात आले आहे. 

गोंडवाना गणतंत्र पार्टी युवा मोर्चा महाराष्ट्र प्रदेश कार्याध्यक्ष गजानन जुमनाके, चंद्रपूर जिल्हा मध्यवर्ती सहकारी बँकेचे संचालक पांडुरंग जाधव, गोंडवाना गणतंत्र पार्टी जिवती तालूकाध्यक्ष ममता जाधव, माजी सभापती भीमराव मेश्राम, हनुमंत कुमरे व प्रा. डॉ. प्रकाश वट्टी यांच्यासह गोंडवाना गणतंत्र पार्टी च्या शिष्टमंडळाने सुनीता मेश्राम यांच्या कुटुंबियांची भेटली घेतली.

यावेळी सदर घडलेल्या घटनेची माहिती तिच्या आईने शिष्टमंडळाला अधिक माहिती दिली. सोंडो हे गाव विरूर स्टे. पोलीस ठाणे अंतर्गत येत असल्याने तेथील पोलीस ठाणेदार घडलेल्या घटनेसंदर्भात काय कार्यवाही केली याबाबतीत विचारणा केली असता त्यांनी दोन व्यक्तींवर अट्रॅसिटी ऍक्ट कायदया अंतर्गत अटक केली आहे. बाकी तपास सुरु आहे, आम्ही आरोपीना सोडणार नाही, आरोपी वर कठोर कारवाई करत आदिवासी महिलेला न्याय मिळवून देऊ अशी ग्वाही ठाणेदार राहुल चव्हाण यांनी शिष्टमंडळाला दिली. आरोपी वर कठोर कारवाई करा अन्यथा आंदोलन करू असा इशारा गोंडवाना गणतंत्र पार्टी युवा मोर्चा महाराष्ट्र प्रदेश कार्याध्यक्ष गजानन जुमनाके दिला.