चंद्रपुरात ३७ लाखांची चोरी

• ७० तोळे सोने, १५ लाख रोख लंपास  

शशी ठक्कर - आमचा विदर्भ प्रतिनिधी

चंद्रपूर -

शहरातील तुकूम परिसरातील VIP भागात मोठी घरफोडी झाल्याची घटना घडली. घरी कुणीही नसल्याची संधी साधून चोरटयांनी सोने, चांदीचे दागिने आणि रोख रक्कम असा ३७ लाखांचा ऐवज लंपास केला. चोरीची घटना तुकूम परिसरातील प्रकाश जयसवाल यांच्या घरी गुरुवारी रात्रीच्या सुमारास घडली. याप्रकरणी रामनगर पोलिसांनी गुन्हा दाखल केला असून चोरट्यांचा शोध सुरु आहे. 

राजेंद्र उर्फ प्रकाश जयस्वाल असे फिर्यादीचे नाव आहे, जयस्वाल हे जिल्ह्यातील परवानाधारक सावकार आहे, सावकारी क्षेत्रात त्यांचं नाव मोठं गणले जाते. जयस्वाल यांच्या घरून अज्ञात चोरट्यानी 15 लाख रुपये रोख व 22 लाखांचे सोनं असा एकूण 37 लाखांची गुरुवारी रात्रीच्या सुमारा धाडसी चोरी केली.

गुन्हाचा तपास पोलीस अधीक्षक, अप्पर पोलीस अधीक्षक व उपविभागीय पोलीस अधिकारी शिलवंत नांदेडकर यांच्या मार्गदर्शनात शहर व रामनगर डि बी पथक करीत आहेत, पुढील तपास रामनगर डीबी पथकाचे एकरे करीत आहेत.