व्यापाऱ्यांकरिता स्वतंत्र लसीकरण केंद्र मंजूर करावे

• आ. सुधीर मुनगंटीवार व जिल्हाधिकाऱ्यांना निवेदन
• येणाऱ्या एक-दोन दिवसात लसीकरण केंद्र सुरू होण्याची शक्यता
• फेडरेशन ऑफ ट्रेड कॉमर्स अँड इंडस्‍ट्रीजने केली मागणी

शशी ठक्कर - आमचा विदर्भ प्रतिनिधी
चंद्रपूर -

जिल्ह्यातील लॉकडाऊन संपले असून सकाळी ७ ते सायंकाळी ५ अशी आता व्यापार करण्याकरिता मुभा देण्यात आली आहे. त्याअनुषंगाने संपूर्ण बाजारपेठ खुली झाली असून अश्या स्थितीत व्यापारी बंधू "सुपर स्प्रेडर" ठरू नये म्हणून काळजी घेण्याची गरज आहे. महानगरात व्यापाऱ्यासाठी दोन स्वतंत्र केंन्द्राची व्यवस्था करावी अशी मागणी आ. सुधीर मुनगंटीवार व जिल्हाधिकाऱ्यांना निवेदनच्या माध्यमाने फेडरेशन ऑफ ट्रेड कॉमर्स अँड इंडस्‍ट्रीजने केली.  

यासंदर्भातील निवेदन फेडरेशन ऑफ ट्रेड कॉमर्स अँड इंडस्‍ट्रीजतर्फे आ. मुनगंटीवार यांना प्राप्‍त झाल्‍यानंतर त्यांनी जिल्हाधिकाऱ्यांशी प्रत्‍यक्ष भेट घेवून सांगितले कि, कोरोनाशी लढा देण्‍यासाठी लसीकरण ही काळाची गरज झाली आहे. लसीकरणाचे विविध टप्‍पे सुरू असताना मध्‍यंतरी या प्रक्रियेमध्‍ये व्‍यत्‍यय निर्माण झाला होता, परंतु आता मोठया प्रमाणावर कोरोना लस उपलब्‍ध झाली आहे. लॉकडाऊन संपल्‍यामुळे पुन्‍हा कोरोनाचा संसर्ग बाजारपेठेतुन होवू शकतो. अशा स्थितीत व्‍यापारी बंधूं, त्यांचे कुटुंबीय व त्यांच्या अधिनस्थ काम करणारे कर्मचारी यांचे लसीकरण करणे आवश्‍यक आहे. हे लसीकरण यथाशिघ्र करण्‍यात यावे अशी मागणी केली. व्यापाऱ्यांसाठी दोन स्‍वतंत्र केंद्र उपलब्‍ध करून द्याव्‍या अशाही सुचना केली. यावेळी फेडरेशन ऑफ ट्रेड कॉमर्स अँड इंडस्‍ट्रीजचे अध्‍यक्ष रामकिशोर सारडा व माजी अध्‍यक्ष संतोष चिल्‍लरवार, भाजपा जिल्‍हाध्‍यक्ष देवराव भोंगळे, महानगर जिल्‍हाध्‍यक्ष डॉ. मंगेश गुलवाडे प्रामुख्याने उपस्थित होते.