रास्तभाव दुकानदारांनी केली कोरोना अँटिजन चाचणी

अविनाश रामटेके - आमचा विदर्भ प्रतिनिधी
विरूर स्टेशन -
कोरोनाचा प्रादुर्भाव पाहता कोरोना विषाणूचा प्रसार होऊ नये तसेच सार्वजनिक वितरण व्यवस्थेतील लाभार्थ्यांना संसर्ग होऊ नये, यासाठी प्रतिबंधात्मक उपाय म्हणून राजुरा तालुक्यातील सर्व 108 रास्तभाव दुकानदारांनी कोरोना अँटिझन व आर टी पी सी आर चाचणी करून घेण्याच्या सूचना तहसीलदार हरीश गाडे यांनी दिल्या होत्या. त्या अनुषंगाने आज जिल्हा परिषद शाळा राजुरा येथे 54 रास्तभाव दुकानदारानी कोरोना अँटिजन चाचणी करून घेतली चाचणीत सर्वच 54 रास्तभाव दुकानदार निगेटिव्ह आले. 

कार्डधारकांनी धान्य घेतेवेळी सोशल डिस्टसिंग पाळत व मास्क लावणे निवार्य असून रास्तभाव दुकानदारांनी सुद्धा धान्य वितरीत करताना सॅनिटायझर किंवा साबणाने हात स्वच्छ धुवून धान्य द्यावे. लाभार्थ्यांना नियोजित वेळी दुकानावर येण्याच्या सूचना देण्यात याव्यात. तसेच धान्य घेण्यास आलेले लाभार्थी उचित अंतर ठेऊन रांगेत उभे राहतील, याचीही दक्षता रास्तभाव दुकानदारांनी घ्यावी अशी सूचना तालुका पुरवठा निरीक्षण अधिकारी सविता गंभीरे यांनी दिल्या. यावेळी पुरवठा अधिकारी विकास राजपूत, नरेंद्र खांडेकर उपस्थित होते.