जेसीआय राजुरा रॉयल्स द्वारे युवा सशक्तीकरण प्रशिक्षण शिबीर

अनिल गंपावार - आमचा विदर्भ तालुका प्रतिनिधी

राजुरा -

जेसीआय राजुरा रॉयल्स द्वारे स्थानिक जिल्हा परिषद विद्यालय व कनिष्ठ महाविद्यालयात राजुरा रॉयल्स च्या अध्यक्षा जेसी स्मृती व्यवहारे यांच्या पुढाकाराने एम्पायर युथ ट्रेनिंग कार्यक्रमाचे आयोजन करण्यात आले. 

जिल्हा परिषद कनिष्ठ महाविद्यालयात आयोजित या शिबिरात कम्युनिकेशन स्किल, करियर ओरीएंटेशन, टाइम मॅनेजमेंट, गोल सेटिंग, इमोशनल मॅनेजमेंट याविषयी झोन ट्रेनर जेसी संजय गुप्ता,  जेसी शीतल पडगीलवार, जेसी निसार शे यांनी मार्गदर्शन केले. कार्यक्रमाचे उदघाटन जिल्हा परिषद कनिष्ठ महाविद्यालयाचे प्राचार्य एम.एस. राऊत यांचे हस्ते झाले. यावेळी जेसीआय राजुरा प्राइड चे संस्थापक अध्यक्ष जेसी गोपाल सारडा व जेसी संदीप खो उपस्थित होते. संचालन बुटले सर व आभार घोडेस्वार मॅडम यांनी केले. 

रॉयल्सच्या अध्यक्षा सर्वजेसी स्मृती व्यवहारे, माजी अध्यक्षा सुषमा शुक्ला, जयश्री शेंडे, सुशिला पोरेड्डीवार, रेखा बोढे, मधूस्मिता पाढी, मनीषा पून, प्रफुल्ला धोपटे, डॉ. मोनिशा पाटणकर, ज्योती मेडपल्लीवार, मंजू गौतम यांची उपस्थिती होती. तीन दिवसीय शिबीरामध्ये विविध विषयांवर दिलेल्या मार्गदर्शनाचे उत्तम धडे विद्यार्थ्यांनी घेतले व त्यांनी झालेल्या विविध उपक्रमात अतिशय उत्साहाने सहभाग घेतला. कोविड नियमांचे पालन करून खेळीमेळीच्या वातावरणात घेतलेल्या या ट्रेनिंग मुळे विद्यार्थ्यांत अनेक सकारात्मक बदल दिसून आले.