मा. आमदार सुदर्शन निमकर यांच्या वाढदिवसानिमित्त सामाजिक कार्यकर्त्यांचा गौरव

हंसराज अहिर यांच्या हस्ते सामाजिक कार्यकर्त्यांचा सत्कार

आमचा विदर्भ - अनंता गोखरे 

राजुरा (दि. ०५ सप्टेंबर २०२५) -

      माजी आमदार तथा जिल्हा मध्यवर्ती सहकारी बँकेचे संचालक सुदर्शन निमकर यांच्या वाढदिवसानिमित्त एका विशेष समारंभाचे आयोजन करण्यात आले. या कार्यक्रमात माजी केंद्रीय गृहराज्यमंत्री तथा राष्ट्रीय मागासवर्गीय आयोगाचे अध्यक्ष हंसराज अहिर यांच्या हस्ते सामाजिक कार्यकर्ते संतोष कुंदोजवार यांचा अंधश्रद्धा निर्मूलन आणि व्यसनमुक्ती प्रबोधन कार्याबद्दल स्मृतिचिन्ह देऊन सत्कार करण्यात आला. समाजात वैज्ञानिक दृष्टिकोन रुजवण्यासाठी आणि तरुण पिढीला व्यसनाच्या विळख्यातून मुक्त करण्यासाठी केलेल्या कार्याची दखल घेऊन हा सन्मान प्रदान करण्यात आला. या वेळी उपस्थित मान्यवरांनी त्यांच्या कार्यामुळे समाजात सकारात्मक बदल घडत असल्याचे प्रतिपादन केले.

        सुदर्शन निमकर यांनी आपल्या वाढदिवसाच्या कार्यक्रमात सामाजिक कार्यकर्त्यांच्या कार्याचे कौतुक करताना, "अंधश्रद्धा निर्मूलन आणि व्यसनमुक्तीच्या क्षेत्रात केलेले प्रयत्न समाजाला प्रेरणा देणारे आहेत," असे मत व्यक्त केले. तर हंसराज अहिर यांनीही हे कार्य सामाजिक सुधारणेचा आधारस्तंभ असल्याचे नमूद केले. या समारंभाला माजी आमदार अँड. संजय धोटे, माध्यमिक शिक्षक संघाचे केशवराव ठाकरे, निलेश ताजने यांसह अनेक मान्यवर, सामाजिक कार्यकर्ते आणि नागरिक उपस्थित होते. यानिमित्त काही शिक्षक, मुख्याध्यापक, सरपंच व समाजसेवकांचा या कार्यक्रमात सन्मान करण्यात आला.

#SudharshanNimkar #HansrajAhir #advsanjaydhote #keshavraothakare #nileshtajane #SocialChange #AntiSuperstition #DeAddiction #Jivati #CommunityService #Inspiration #chandrapurnews #chandrapurcity #chandrapur #aamchavidarbha #vidarbha