''जननायक राहुल गांधी यांचा वाढदिवस सेवाभावाने साजरा''

''जननायक राहुल गांधी यांचा वाढदिवस सेवाभावाने साजरा''

''रक्तदान करून दिला समाजसेवेचा संदेश!''

गडचांदूर युवक काँग्रेसचा विधायक उपक्रम

आमचा विदर्भ - अनंता गोखरे

कोरपना (दि. १९ जून २०२५) -

         काँग्रेसचे राष्ट्रीय नेते, देशाचे विरोधी पक्षनेते आणि जननायक खा. राहुल गांधी यांच्या वाढदिवसानिमित्त चंद्रपूर जिल्हा ग्रामीण युवक काँग्रेस तर्फे गडचांदूर येथील महात्मा गांधी विद्यालयात रक्तदान शिबिराचे आयोजन करण्यात आले. या उपक्रमाचे नेतृत्व युवक काँग्रेसचे जिल्हाध्यक्ष शंतनू धोटे यांनी केले. सुरज गोंडे आणि त्यांच्या मित्रपरिवाराच्या संयोजनातून हे रक्तदान शिबिर यशस्वीपणे पार पडले. यामध्ये ५० रक्तदात्यांनी रक्तदान करून सामाजिक जबाबदारीचे उत्तम उदाहरण सादर केले. या शिबिरात उपस्थित मान्यवरांनी युवक काँग्रेसच्या या उपक्रमाचे कौतुक करत, "सेवेचा खरा अर्थ समाजासाठी काहीतरी देण्यात आहे," असे उद्गार काढले.

        कार्यक्रमास कृषी उत्पन्न बाजार समिती सभापती अशोकराव बावणे, युवक काँग्रेस जिल्हाध्यक्ष शंतनू धोटे, माजी उपनगराध्यक्ष सचिन भोयर,  गडचांदूर काँग्रेस शहराध्यक्ष संतोष महाडोळे, सुनील झाडे, युवक काँग्रेस शहराध्यक्ष महादेव हेपट, विवेक येरणे, शैलेश लोखंडे, देविदास मून, विलास मडावी, प्रितम सातपुते, इंदर कश्यप, सुरेश पाचभाई, अमन निजामी, श्रीनिवास पवार इत्यादी मान्यवर उपस्थित होते. या कार्यक्रमास गडचांदूर काँग्रेस व युवक काँग्रेसचे पदाधिकारी, कार्यकर्ते तसेच स्थानिक नागरिक मोठ्या संख्येने उपस्थित होते.