अज्ञात ट्रकची दुचाकीला धडक; एक ठार, एक जखमी

अज्ञात ट्रकची दुचाकीला धडक; एक ठार, एक जखमी

आमचा विदर्भ - ब्युरो रिपोर्ट्स

घुग्घूस / चंद्रपूर (दि. १३ मे २०२५) -

       पडोली-घुग्घूस मार्गावरील एमआयडीसी चौकात एका अज्ञात ट्रकने दुचाकीला धडक दिली. या भीषण अपघातात दुचाकीवरील बाळा उद्धव हस्तक वय ६५ वर्षे रा. पिपरी यांचा जागीच मृत्यू झाला, तर एक जण किरकोळ जखमी झाला आहे. ही दुर्दैवी घटना १३ मे रोजी दुपारी २.२० वाजता घडली.

लग्नाच्या निमित्ताने आलेले, अपघाताचा बळी ठरले:

        धानोरा-पिपरी येथील बाळा हस्तक आणि त्यांचे सहकारी वांढरी फाटा येथे एका लग्नासाठी आले होते. लग्न आटोपून एमआयडीसी चौकात गेले. तेथून परतत असताना अज्ञात ट्रकने त्यांच्या दुचाकी क्र. एमएच ३४ एजी ७९५० जोरदार धडक दिली. यात त्यांच्या मृत्यू झाला तर दुचाकीवरील एक जण जखमी झाला. अपघाताची माहिती मिळताच पडोली पोलिसांनी तात्काळ घटनास्थळी धाव घेतली. पंचनामा करून मृतदेह उत्तरीय तपासणीसाठी जिल्हा सामान्य रुग्णालय, चंद्रपूर येथे पाठवण्यात आला. जखमीला तातडीने वैद्यकीय उपचारांसाठी दाखल करण्यात आले. अज्ञात ट्रक चालकाने अपघातानंतर घटनास्थळावरून पळ काढला. पोलिसांनी त्याचा शोध सुरू केला आहे. एमआयडीसी चौकातील सीसीटीव्ही फुटेजची तपासणी केली जात आहे. एमआयडीसी चौकातील अपघाताची वारंवारता वाढत असल्याने स्थानिकांनी त्या भागात वेगमर्यादा आणि सुरक्षा उपाययोजना वाढवण्याची मागणी केली आहे.