दोन गुन्हेगारांकडून तीन मोटारसायकल जप्त

दोन गुन्हेगारांकडून तीन मोटारसायकल जप्त

स्थानिक गुन्हे शाखेची कामगिरी

आमचा विदर्भ - अनंता गोखरे

चंद्रपूर (दि. ०९ मे २०२५) -

        स्थानिक गुन्हे शाखा, चंद्रपूरच्या पथकाने दोन आरोपींना अटक करून त्यांच्याकडून तीन चोरीच्या मोटारसायकली जप्त केल्या आहेत. दिनांक ८ एप्रिल २०२५ रोजी पोलीस निरीक्षक अमोल काचोरे यांच्या नेतृत्वाखालील पथकाने चंद्रपूर जिल्ह्यात पेट्रोलिंग दरम्यान ही कामगिरी बजावली. मुखबिरांकडून माहिती मिळाल्यानंतर बंगाली कॅम्प चौक येथे सापळा रचून आरोपी शानु देविदास चिकराम (वय २०, रा. टेकडी, ता. मुल) आणि नचिकेत चतुर ठाकरे (वय २२, रा. भेजगाव, ता. मुल) यांना ताब्यात घेण्यात आले. त्यांच्याकडून वेगवेगळ्या ठिकाणांहून चोरी केलेल्या एकूण तीन मोटारसायकली, ज्यांची किंमत १.७० लाख रुपये आहे, जप्त करण्यात आल्या आहेत. सदर कार्यवाही पोलीस अधिक्षक मुम्मका सुदर्शन साहेब, अपर पोलीस अधिक्षक रिना जनबंधु यांच्या मार्गदर्शनाखाली पार पडली. स्थानिक गुन्हे शाखेच्या अधिकारी आणि कर्मचारी यांचे सहकार्य या यशस्वी कारवाईत मोलाचे ठरले.