अल्पवयीन मुलीचे लैंगिक शोषण - आरोपीला अटक

अल्पवयीन मुलीचे लैंगिक शोषण - आरोपीला अटक

आमचा विदर्भ - ब्युरो रिपोर्ट्स

घुग्घूस (दि. 08 मे 2025) -

         घुग्घूस येथे एका अल्पवयीन मुलीला लग्नाचे आमिष दाखवून लैंगिक शोषण करणाऱ्या आरोपीला पोलिसांनी अटक केली आहे. आरोपीचे नाव मधुकर समर्थ (वय 48 वर्षे) असून, तो घुग्घूस येथील रहिवासी आहे. घुग्घूस येथील अल्पवयीन मुलीला आरोपीने लग्नाचे आमिष दाखवून पळवून नेले. या प्रकरणाची तक्रार पिडीत मुलीच्या कुटुंबीयांनी घुग्घूस पोलीस स्टेशन येथे दाखल केली. तक्रारीनुसार, आरोपीविरुद्ध कलम 137(2) भारतीय न्याय संहिता (BNS) अंतर्गत गुन्हा नोंद करण्यात आला आहे.

        उपविभागीय पोलीस अधिकारी सुधाकर यादव यांच्या आदेशानुसार, पोलीस निरीक्षक प्रकाश राऊत यांच्या मार्गदर्शनाखाली सहायक पोलीस निरीक्षक सचिन तायवाडे यांच्या नेतृत्वात सपोनि योगेश पाटील, पो.ह. अनिल बैठा व शिपाई अलकेश सावंत यांच्या पथकाने तपास सुरू केला. गोपनीय माहितीच्या आधारे, 5 मे रोजी आरोपीला वर्धा जिल्ह्यातील कपाशी (राळेगाव) येथून अल्पवयीन मुलीसह ताब्यात घेण्यात आले. आरोपी मधुकर समर्थ यांच्याविरुद्ध कलम 64, 64(2)(m) भा.द.वी. आणि सहकलम 4, 6 पोक्सो अंतर्गत गुन्हा नोंद करण्यात आला असून, आरोपीला अटक करण्यात आली आहे. पुढील तपास सपोनि योगेश पाटील करीत आहेत.