प्रतिबंधित सुगंधित तंबाखू विक्री करणाऱ्या महिलेवर गुन्हा दाखल

प्रतिबंधित सुगंधित तंबाखू विक्री करणाऱ्या महिलेवर गुन्हा दाखल

75 हजार रुपयांचा मुद्देमाल जप्त

आमचा विदर्भ - दीपक शर्मा 

भद्रावती (दि. 25 एप्रिल 2025) -

        भद्रावती तालुक्यातील मौजा चंदनखेडा येथील एका महिलेकडून मोठ्या प्रमाणात प्रतिबंधित सुगंधित तंबाखू जप्त करण्यात आली आहे. पोलीस स्टेशन भद्रावती अंतर्गत ही धडक कारवाई दिनांक 25 एप्रिल 2025 रोजी गोपनीय माहितीच्या आधारे करण्यात आली. या कारवाईत एकूण 75,375 किमतीचा माल जप्त करण्यात आला असून, आरोपी महिलेला अटक करण्यात आली आहे.

         पोलिसांनी मौजा चंदनखेडा येथील सौ. निर्मला शामराव शेळके यांच्या राहत्या घरातील स्टोअर रूममध्ये पंचनामा करून झडती घेतली असता, त्यांच्या घरी प्रतिबंधित तंबाखू मजा 108 सुगंधित तंबाखू 60,775 रुपये किमतीचा, होला होका तंबाखू 8,200 व ईगल होका तंबाखू 6,400 रुपये किमतीचा असा एकूण 75,375 रुपये किमतीचा माळ जप्त केला. या प्रकरणी भद्रावती पोलीस ठाण्यात गुन्हा क्रमांक 189/2025, भारतीय दंड विधान कलम 223, 275 तसेच अन्न सुरक्षा व मानके कायदा 2006 च्या कलम 30(2) 26(2) (ए) 3,4,59 (आय) सह नियम 2011 अंतर्गत गुन्हा नोंदवण्यात आला आहे. ही कारवाई पोलीस अधीक्षक मुमक्का सुदर्शन, अप्पर पोलीस अधीक्षक रीना जनबंधू, उपविभागीय वरोरा पोलीस अधिकारी नयोमी साटम यांच्या मार्गदर्शनाखाली पोलीस स्टेशन भद्रावतीच्या पोलीस निरीक्षक श्रीमती लता वाडीवे यांच्या नेतृत्वात अनुप आसुनकर, विश्वनाथ चुदरी, निकेश ढेंगे, योगेश घाटोळे यांनी केली.