२४ मे रोजीच्या रोजगार मेळाव्यासाठी मंत्रीमहोदयांची उपस्थिती निश्चित

२४ मे रोजीच्या रोजगार मेळाव्यासाठी मंत्रीमहोदयांची उपस्थिती निश्चित

रोजगार मेळाव्यासाठी प्रेरणादायी पाऊल

यहोवा यिरे फाउंडेशनचे आयोजन

आमचा विदर्भ - दीपक शर्मा

चंद्रपूर (दि. २५ एप्रिल २०२५) -

        दिनांक २४ मे रोजी चंद्रपूर येथे 'यहोवा यिरे फाउंडेशन'च्या वतीने भव्य "रोजगार व उद्योग प्रोत्साहन तसेच महाराष्ट्राचा अभिमान पुरस्कार" समारंभ आयोजित करण्यात येणार आहे. या विशेष कार्यक्रमासाठी आदिवासी विकास मंत्री व चंद्रपूर जिल्ह्याचे पालकमंत्री अशोक उईके यांना प्रमुख पाहुणे म्हणून आमंत्रित करण्यात आले आहे.

        यहोवा यिरे फाऊंडेशनचे सीईओ डॉ. रमेशकुमार बोरकुटे आणि पर्यावरण संवर्धन व विकास समिती महाराष्ट्र प्रदेशचे सदस्य ज्येष्ठ पत्रकार डी. के. आरीकर यांनी मा. मंत्र्यांना २४ मे रोजी होणाऱ्या कार्यक्रमाचे आणि ७ जून रोजी राळेगाव, जि. यवतमाळ येथे होणाऱ्या विदर्भस्तरीय पर्यावरण संमेलनाचे उद्घाटन करण्यासाठी अधिकृत निमंत्रण दिले. या निमंत्रण स्वीकृतीनंतर, अशोक उईके यांनी कार्यक्रमाला उपस्थित राहण्याचे आश्वासन दिले. या रोजगार व उद्योग प्रोत्साहन मेळाव्यात अनेक नामवंत मार्गदर्शक व प्रशिक्षण देणारे तज्ज्ञ उपस्थित राहणार आहेत. बेरोजगार युवक-युवतींनी या संधीचा लाभ घ्यावा असे आवाहन डॉ. बोरकुटे यांनी केले आहे.