Illegal sand smuggling वर्धा नदीतून अवैध रेती उत्खनन प्रकरणी दोन ट्रॅक्टर जप्त

Illegal sand smuggling

वर्धा नदीतून अवैध रेती उत्खनन प्रकरणी दोन ट्रॅक्टर जप्त

राजुरा पोलिसांची कारवाई

file image

आमचा विदर्भ - दीपक शर्मा

राजुरा (दि. 07 मार्च 2025) -

        राजुरा पोलिसांनी अवैध धंद्यांविरोधात सुरू केलेल्या मोहीमेअंतर्गत मोठी कारवाई करत (Wardha River) वर्धा नदीतून चोरीकरून आणली जात असलेल्या रेतीसह दोन ट्रॅक्टर जप्त केले. ही कारवाई मौजा चुनाळा रेल्वे क्रॉसिंगजवळ, (Vihirgaon to Chunala Road) विहीरगाव ते चुनाळा रोडवर करण्यात आली. जप्त करण्यात आलेल्या ट्रॅक्टर आणि रेतीची एकूण किंमत 10 लाख 10 हजार एवढी आहे. (police station rajura)

गुप्त माहितीवरून कारवाई

       गुरुवारी राजुरा पोलीस स्टेशनचे पथक अवैध धंद्यांवर आळा घालण्यासाठी पेट्रोलिंग करत असताना गोपनीय माहिती मिळाली की, मौजा चुनाळा वर्धा नदी घाटातून ट्रॅक्टरद्वारे अवैध रेती वाहतूक सुरू आहे. मिळालेल्या माहितीच्या आधारे पोलिसांनी तातडीने चुनाळा रेल्वे क्रॉसिंगजवळ सापळा रचला. पोलिसांनी नाकाबंदी करून दोन ट्रॅक्टर थांबवले आणि तपासणी केली असता, बिनाअनुमती वर्धा नदी घाटातून चोरून आणलेली रेती ट्रॉलीमध्ये भरून वाहतूक करत असल्याचे आढळले.

जप्त केलेले ट्रॅक्टर आणि मुद्देमाल

स्वराज कंपनीचा लाल रंगाचा ट्रॅक्टर (बिना क्रमांक) आणि ट्रॉली मध्ये  01 ब्रास रेती एकूण किंमत 5,05,000/- तसेच जॉन डिअर कंपनीचा लाल रंगाचा ट्रॅक्टर (बिना क्रमांक) आणि ट्रॉली (MH34-AB-5235) मध्ये 01 ब्रास रेती एकूण किंमत 5,05,000/- पोलिसांनी जप्त केला. गुन्ह्यातील जप्त मुद्देमाल पोलीस स्टेशन राजुरा येथे जमा करण्यात आला असून, पुढील तपास राजुरा पोलीस करीत आहे.

IPS अनिकेत हिरडे यांच्या नेतृत्वाखाली धडक कारवाई

        राजुरा पोलीस स्टेशनचे प्रभारी अधिकारी IPS अनिकेत हिरडे (IPS Aniket Hirde) यांनी पदभार स्वीकारल्यानंतर तालुक्यातील अवैध धंद्यांवर मोठ्या प्रमाणात कारवाई सुरू केली आहे. अवैध रेती व कोळसा तस्करी, डिझेल चोरी, भंगार व्यवसाय, सुगंधित तंबाखू विक्री, अवैध दारू विक्री आणि जुगार-सट्टा यासारख्या गैरप्रकारांवर आळा बसत असल्याचे स्पष्ट होत आहे. पोलिसांच्या या धडक मोहिमेमुळे अवैध व्यवसायिकांमध्ये भीतीचे वातावरण निर्माण झाले असून, राजुरा तालुक्यातील अवैध धंद्यांचे प्रमाण मोठ्या प्रमाणात घटल्याचे दिसून येत आहे.