ॲड. यादवराव धोटे महाविद्यालय येथे पोक्सो कायदेविषयक मार्गदर्शन शिबिर संपन्न

ॲड. यादवराव धोटे महाविद्यालय येथे पोक्सो कायदेविषयक मार्गदर्शन शिबिर संपन्न

आमचा विदर्भ - दीपक शर्मा 

राजुरा (दि. 19 जानेवारी 2025) -

        ॲड. यादवराव धोटे मेमोरियल सोसायटी राजुरा द्वारा संचालित ॲड. यादवराव धोटे महाविद्यालय येथे आज दिनांक 17 जानेवारी 2025 रोजी तालुका विधी सेवा समितीमार्फत पोक्सो कायद्याअंतर्गत मार्गदर्शन शिबिर कार्यक्रम नुकताच संपन्न झाला.

        याप्रसंगी कार्यक्रमाचे अध्यक्ष ॲड.यादवराव धोटे मेमोरियल सोसायटीचे सचिव डॉ.अर्पित धोटे यांची उपस्थिती होती. तसेच प्रमुख पाहुणे सुमित जोशी सचिव, जिल्हाविधी सेवा प्राधिकरण, चंद्रपूर यांची प्रामुख्याने उपस्थिती होती. यावेळी त्यांनी महाविद्यालयातील विद्यार्थ्यांना पोक्सो कायदेविषयी पीपीटी द्वारे जनजागृती चे धडे दिले व विद्यार्थ्यांशी हितगुज साधून विद्यार्थ्यांच्या मनातील पोक्सो कायदेविषयीचा संपूर्ण संभ्रम दूर केला. तसेच सहदिवाणी न्यायाधीश राजुरा येथील निखिल हेमणे यांनीही विद्यार्थ्यांना पोक्सो कायदेबद्दल महत्वपूर्ण मार्गदर्शन केले तसेच संपूर्ण सहकारी चमूंचे विशेष सहकार्य लाभले. याप्रसंगी वरिष्ठ महाविद्यालयाच्या प्राचार्या मीनाक्षी कालेश्वरवार महाविद्यालयाचे पर्यवेक्षक प्रा.इर्शाद शेख यांची उपस्थिती होती. कार्यक्रमाचे सूत्रसंचालन प्रा. प्रणिता पानसे तसेच आभार प्रा.सुप्रिया गोंड यांनी मानले. कार्यक्रम यशस्वीतेकरिता संपूर्ण प्राध्यापक वृंद तसेच कर्मचारी वृंद यांनी परिश्रम घेतले. कार्यक्रमाची सांगता राष्ट्रगीताने झाली.