डॉक्टर ने स्वतःचे रक्त देऊन वाचविले गंभीर जख्मी रुग्णाचे प्राण

चंद्रपूर मेडिकल कॉलेज येथील घटना

आमचा विदर्भ - अविनाश रामटेके, प्रतिनिधी

विरूर स्टेशन (दि. २२ ऑगस्ट २०२४) -

        एकीकडे डॉक्टरांना देवा प्रमाणे दर्जा दिला जातो मात्र आजमितीला खाजगी डॉक्टर ची लूट पाहता जनसामान्यात डॉक्टरांकडे पाहण्याचा दृष्टीकोन बदलला आहे, कारणही तसेच आजच्या घडीला खाजगी महागाड्या वैदकीय खर्च पाहता गरीब वर्गातील सदस्य हा हतबल होऊन तोडक्या सेवा असलेल्या सरकारी रुग्णालयात धाव घेतो व आपला जीव वाचविण्याचा केविलवाणा प्रयत्न करीत असताना आपण बघताच असतो. मात्र कधी कधी त्यावेळी संबधीत सरकारीयंत्रणा सुद्धा अपूर्ण सुविधा अभावी रुग्णाचे थातूर मातुर आरोग्य सेवा देण्याचा प्रयत्न करताना आपण नेहिमी पाहत असतो मात्र सरकारी रुग्णालयात एका रुग्णाची गंभीर स्थिती पाहता डॉक्टरांनी आपले स्वतःचे रक्त देऊन गंभीर रुग्णाचे प्राण वाचविल्याची प्रेरणादायी घटना चंद्रपूर मेडिकल कालेज ला एमबीबीएस ला शिकत असलेला एका प्रशिक्षु डॉक्टर ने केल्याने त्याचे सर्वत्र कौतुक होताना दिसत आहे. 

        यात सविस्तर वृत्त असे कि, चिमूर येथील रोहित बुदेवार वय 24 हा आपल्या मित्रासह दुचाकीने चंद्रपूर येथे येत असताना त्याचे तोल जाऊन वाहन स्लिप होऊन तो पडला. दरम्यान दोघांना ही गंभीर दुखापत झाली मात्र रोहित बुदेवारला डोक्याला जबर मार लागल्याने त्याचे कानातून व डोक्यातून सतत रक्तस्त्राव सुरु होता दरम्यान कसे बसे त्याच्या मित्राने त्याच स्थितीत त्याला ग्रामीण रुग्णालय चंद्रपूर येथे उपचारा करिता आणले.  प्राथमिक उपचारानंतर रुग्णाची स्थिती पाहता त्याला त्वरित एबी निगेटिव्ह रक्ताची आवश्यकता होती. एबी रक्तगट हे फार कमी प्रमाणात भेटत असल्याने रक्तासाठी शोधाशोध सुरु केली मात्र सर्वीकडे शोधाशोध करून सुद्धा रक्त उपलब्ध होत नव्हते व इकडे रुग्णाची स्तिथी अधिकच गंभीर होत होती तेव्हा मेडिकल कालेज चंद्रपूर येथे एमबीबीएस ला शिकत असलेला सिनियर स्टुडन्ट डॉ. स्पंदन शाहू नारनावरे यांनी स्वतःच त्या गंभीर जख्मी रुग्णाला आपले एबी निगेटिव्ह असलेले स्वतःचे रक्त दान करून त्या रुग्णाचे प्राण वाचविले, त्यामुळे डॉ.स्पंदन यांच्या या कार्याचे सर्वत्र कौतुक होत आहे. महत्वाचे म्हणजे डॉ. स्पंदन हा विरूर स्टेशन येथील असल्याने परिसरातील युवकांकरिता त्याचे कार्य प्रेरणादायी ठरत असल्याचे बोलल्या जात आहे. 

#aamchavidarbha #vidarbha #news #breakingnews #chandrapur #rajura #ballarpur #korpana #gadchandur #gondpipari  #ballarshah #chimur #bhadravati #warora #nandaphata #kavthala #Doctor #patient #Treatment #ChandrapurMedicalCollege #hospital #Chimur #RohitBudewar #ABnegativebloodgroup #SeniorstudentstudyingforMBBS #RohitBudewar #DrSpandanShahuNarnaware #WirurStation