बल्लारपूर पब्लिक स्कूल मूल येथे सावित्रीबाई फुले जयंती साजरी

आमचा विदर्भ - अनंता गोखरे कार्यालय प्रतिनिधी

चंद्रपूर -

        बल्लारपूर पब्लिक स्कूल, मूल येथे आज दिनांक 3 जानेवारी 2023 रोज मंगळवार ला सावित्रीबाई फुले जयंती तसेच बालिका दिवस साजरा करण्यात आला. या कार्यक्रमासाठी अध्यक्ष म्हणून बल्लारपूर पब्लिक स्कूलचे प्राचार्य विनोद बोलीवर, मुख्य अतिथी म्हणून मूल येथील पत्रकार तथा गायिका कु.कुमुदिनी भोयर, प्रमुख पाहुणे म्हणून  शिक्षिका सौ. दुर्गा कोटगले व सौ.वैशाली पिपरे हे उपस्थित होते. या कार्यक्रमात विद्यार्थ्यांनी सावित्रीबाई जयंती निमित्त भाषण व गायन प्रस्तुत केले. विनोद बोलीवर यांनी याप्रसंगी विद्यार्थ्यांना मार्गदर्शन केले. तर मुख्य अतिथी म्हणून लाभलेल्या कुमुदिनी भोयर यांनी देशभक्तीपर गीत गायले. संचालन कु. शिरिशा मेडपल्लीवार व शुभांगी मडावी यांनी तर या कार्यक्रमाची प्रस्तावना सौ. तोषी जयस्वाल तसेच आभार प्रदर्शन कू.प्रगती खोब्रागडे यांनी केले. (savitribai phule jayanti)