अनाथ व्यक्तींना भेटवस्तू

सहारा संस्था देत आहे अनाथांना सहारा

आमचा विदर्भ - दीपक शर्मा

चंद्रपूर -

        समाजात अनाथांची कामे करणे, हेच कर्तव्य समजणारे सुनीलभाऊ जुमनाके हे अनाथांचे सर्वार्थाने देवदूत ठरले आहेत. त्यांच्या या कामाचा प्रेरणादायी प्रवास नक्कीच सगळ्यांना दिशा देणारा ठरणार आहे. असे सहारा बहुउद्देशीय संस्थेच्या आश्रमात भेट देत संजय साळवे यांनी सांगितले. 

        संजय साळवे यांनी आज घुघूस जवळील नकोडा येथील सहारा बहुउद्देशीय संस्थेच्या आश्रमात सदिच्छा भेट देत अनाथ व्यक्तींना, मानसिक खच्चीकरण झालेल्या व्यक्तींना भेटवस्तू उपहार स्वरूपात दिल्या. संजय साळवे यांनी सहारा बहुउद्देशीय संस्थेचे संस्थापक अध्यक्ष सुनीलभाऊ जुमनाके यांच्या कार्याचे कौतुक केले. सुनीलभाऊ जुमनाके यांनी सांगितले कि, ही संस्था निरपेक्ष भावनेतून कार्य करीत असून आपणही समाजाचे काही देणे लागतो अशी भावना ठेवणारे लोक संस्थेला नेहमी मदतीचा हात देत असतात म्हणूनच आम्ही हे करू शकत आहो असे सांगितले.