मंदिराजवळ नवजात अर्भक आढळले

पाळीव श्वानाने आणून दिले लक्षात

अर्भकाच्या भोवती लागल्या होत्या मुंग्या

आमचा विदर्भ - कार्यालय प्रतिनिधी

भद्रावती -

        भद्रावती शहरातील ऐतिहासिक चंडीका मंदिर परिसरात आज दिनांक ८ ला सकाळच्या दरम्यान एक पुरुष जातीचे नवजात अर्भक आढळले. घटनेची माहिती भद्रावती पोलिसांना मिळताच पोलिसांनी घटनास्थळी पोहोचून अर्भकाला ताब्यात घेतले व स्थानिक ग्रामीण रुग्णालयात त्याच्या आरोग्याची तपासणी करून त्याला पुढील उपचारासाठी चंद्रपुर येथील सामान्य रुग्णालयात दाखल केले आहे. या घटनेची माहिती कळताच नागरिकांनी या अर्भकाला बघण्यासाठी मंदिर परिसरात अलोट गर्दी केली होती.

        सकाळी या अर्भकाची चाहुल एका पाळीव श्वानाला लागली. श्वानाने विशीष्ट आवाजात मालकाजवळ येऊन ओरडने सुरु केले. मालकाने श्वानाच्या मागे जाऊन बघितल्यानंतर त्यांना हे अर्भक आढळले. याची माहिती पोलीसांना देण्यात आली. या अर्भकाच्या भोवती मुंग्या लागल्या होत्या. पोलिसांनी अर्भकाला ताब्यात घेऊन त्याची ग्रामीण रुग्णालयात आरोग्य तपासणी केली व त्याला पुढील उपचारासाठी सामान्य रुग्णालयात दाखल केले. या या नवजात अर्भकाच्या अज्ञात आईला शोधण्यासाठी पोलिस यंत्रणा वार्डावार्डात जाऊन तपास करीत आहे.