गडचांदूरात क्रांतीवीर बाबुराव पुल्लेसुर शेडमाके स्मृतिदिनी श्रद्धांजली अर्पण
धनराजसिंह शेखावत - आमचा विदर्भ प्रतिनिधी
गडचांदुर -
रविवार दिनांक 21 ऑकटोबरला स्थानिक शेडमाके चौकात 1857च्या भारतीय स्वातंत्र युध्दात ब्रिटीश सरकारला सळो की पळो करून सोडणारे आद्य क्रांतीकारक, राष्ट्रीय योध्दा शहीद क्रांतीवीर बाबुराव पुल्लेसुर शेडमाके याना स्मृतिदिनानिमित्त श्रद्धांजली अर्पण करण्यात आली.
शहीद वीर बाबूराव पुलेश्वर शेडमाके यांच्या प्रतिमेला नगराध्यक्षा सौ. सविता सुरेश टेकाम यांनी फुलांचे हार टाकुन, पूजन करुन श्रद्धांजली अर्पण केली. प्राणहितेचा पुत्र, गोंडवनाचा शेर अशा अनेक उपाधींनी गौरविलेले शहीद क्रांतीवीर बाबुराव पुल्लेसुर शेडमाके यांचे बलिदान भावी पिढ्यांना सदैव प्रेरणा देईल असे प्रतिपादन नगराध्यक्षा सौ. सविता टेकाम यांनी केले. यावेळी नगरसेवक अरविंद मेश्राम, अनिल सिडाम, शरद मेश्राम, जीतू मड़ावी, सुरेश टेकाम, सोहिल शेख, महेश परचाके व शेकडो नागरिक उपस्थित होते.
टिप्पणी पोस्ट करा
Thanks for your response, We will reply you soon, You haven't followed Aamcha Vidarbha yet, you follow Aamcha Vidarbha now.