जिवती तालुक्यात वीज पडून दोन महिलांचा जागीच मृत्यू

धनराजसिंह शेखावत - आमचा विदर्भ प्रतिनिधी

गडचांदुर -

जिवती तालुक्यातील पाटण/ चिखली परिसरात बुधवारी दि.२८ सप्टेंबरला सायंकाळी वीज पडल्याने दोन महिलांचा जागीच मृत्यू झाला तर तीन जण जखमी झाले आहे.

शेतीचा काम करून सायंकाळी घरी परत येत असताना विजेच्या कडकडाटासह अचानक पाऊस सुरू झाला. त्यात दोन महिलांचा अंगावर वीज पडून त्यांचा जागीच मृत्यू झाला. मृतकांत चिखली येथील रहिवासी सौ. वंदना चंदू कोटनाके (३५) आणि सौ. भारुला अनिल कोरांगे (३२) यांचा जागीच  मृत्यू झाला आणि कु. सुरेखा जागेराव वेडमे व अन्य दोन जखमी झाल्या आहेत. शेतातून परत येत असताना एकूण पाच महिला व मुली सोबत असल्याची माहिती मिळाली आहे. तीन जखमींवर पाटण प्राथमिक आरोग्य केंद्रात उपचार सुरू आहे.