धिडसी-निर्ली-साखरी बस सुरु करा - बबन उरकुडे

धिडसी-निर्ली-साखरी बस सुरु करा - बबन उरकुडे

विद्यार्थ्यांसोबत बबन उरकुडे यांनी दिले आगार प्रमुखाला निवेदन

त्वरित बस चालू करणार आगार प्रमुखांचे आश्वासन

विरेन्द्र पुणेकर - आमचा विदर्भ प्रतिनिधी

राजुरा -

राजुरा तालुक्यातील कढोली समोर पूल बंद असल्यामुळे धिडसी-निर्ली-साखरी बससेवा बंद आहे. त्यामुळे परिसरातील विद्यार्थ्यांना ये-जा करायला नाहक त्रास सहन करावा लागत आहे. हीच समस्या घेऊन परिसरातील विध्यार्थ्यांनी बबनभाऊचे कार्यालय गाठले आणि आपली व्यथा मांडली. संबंधित विषयाला घेऊन बबनभाऊंनी विद्यार्थ्यांसह आगार गाठले आणि निवेदन देऊन लवकरात लवकर बसेसेवा चालू करण्याची मागणी केली.

यावर आगार प्रमुखांनी लवकरच बससेवा चालू करणार असे आश्वासन दिले. यावेळी विभागप्रमुख संदीप वैरागडे, धिडशी गावचे शिवसेना शाखा प्रमुख समाधान कोरडे, आणि विद्यार्थी उपस्थित होते.