नोकरी येथील नाल्याच्या पाण्यात वाहून गेलेल्या संजयचा लागला शोध

नोकरी येथील नाल्याच्या पाण्यात वाहून गेलेल्या संजयचा लागला शोध

चौथ्या दिवशी आढळला मृतदेह

धनराजसिंह शेखावत - आमचा विदर्भ प्रतिनिधी

राजुरा -

नोकरी (बु) येथील संजय कंडलेवार वय 50 वर्षे हा व्यक्ती दिनांक 10 जुलै रोजी सकाळी 9 वाजता नोकारी बु. (माईंस) येथील नाल्याच्या प्रवाहात वाहून गेला होता त्याचा पोलीस शोध पथक व स्थानिक लोकांनी शोध करीत होते. आज चौथ्या दिवशी अमलनाला धरणात शंकरदेव समोर भागात आढळून आला.

शंकर कंडलेवार हा गावाकडे परत येत नाल्याच्या पाण्याचा अंदाज न आल्याने प्रवाहात वाहून गेला होता. या बद्दल माहिती मिळताच दोन्ही बाजुने अमलनाला धरणा पर्यंत व धरणात शोध घेतला असता कुठेच आढळून आला नाही. शोध घेण्यासाठी दि. 11जुलै रोजी नोकारी बु. व अमलनाला धरण येथे चंद्रपूर येथील चंद्रपूर पोलीस विभागाचे शोध पथक दाखल झाले व शोध घेतला असता त्याना सुध्दा या शोधात यश येत नव्हते. पावसाचे व पुराचे वाढते प्रमाण पाहता शोध घेण्यात अडथळा निर्माण होत होता अखेर आज त्याचा मृत्यूदेह तरंगताना आढळून आला. पोलिसांनी मृतदेह बाहेर काढला. पुढील कार्यवाही गडचांदूर पोलीस करीत आहेत.